Yé krik, yé krak, yé mistikrak.
An jou, an jou manmay-la, an jou nwel, 25 désanm, koté minui, an nom an chien-an chyen, mé an-chien menm, rivé douvan an kay. Adan kay-la, yon lanmizik té ka woulé, mézanmi, ou te ka tann sé kout tanbou a jik an fon nanm-ou. Monboug antré adan kay-la, i antré, épi i gadé, i wè manjé, i wè bwè, bouden té ka fè chien, ziyanm é kochon té ka pliyé tab-la. Lè boug la wè sa, i bigidi.
I mandé wè met kay la, lè met-la rivé, boug-la di’y :
-- Ni tjenz jou lestomak-mwen vid, man fen, souplé, ban mwen an ti koré vant !
Met kay la gadé’y, y gadé’y épi, pawol la tonbé wap !
-- Non fout, e nom la, ou sé ri mwen ! ga sa ! fouté li kan di kaz mwen ! chien san met ki ou yé !
_ YEEEEE KRIK!
_ YEEEEE KRAK!
_ YEE MISTIKRIK !
_ YE MISTIKRAK !
Yo té ka kriyé boug-tala Evaris. Boug-la pati, tjè’y fann, tet-li bésé, gran-nonm la té ka pléré. I pati bat gran chimen. Lè i té las maché anlè lawout-la, i jwenn an twa chimen i gadé, i lonviyé, an fè- nwè la, i wè konpè makak doubout ka gadé’y. Dé zié’y ka kléré kon soley.
-- Hé hé konpè makak ? man di bonswè, sé bondié ki fè man jwenn ou, jòdi-la ayen pa ka kléré, vant-mwen vid é man ja las bat chimen, sa ou pé fè ban mwen ich-mwen?
-- Wouay Wouay Wouay ! Sé ayen man pa ni boug-mwen, mé ayen ayen mem. Sel bagay man sé pé ba’w, sé an don.
-- an don ? Mé ki don ?
Makak mété’y ka chanté, Evaris gadé’y, i rété, y kouté, yep ! I chanté épi’y, zié fèmen. Yo chanté, yo chanté, zétwel te ka kouri-gadé sa ki te ka pasé anlè latè, si-telman sé chanté la té bel. Dlo pwan frison ek montangn séré zié déyè an siren pou kouté. Chanté-la té si-telman dous, ki an lapli bon manjé tonbé bo Evaris. Lè i ouvè zié pou pwan balan adan chanté’y la, makak an ni disparet fap.
Evaris té enmen chanté, i kontinié voyé lavwa’y monté tou sel an fè- nwè la, lè bakwa’y té bien plen épi manjé y pati.
Zot ka sonjé premié kay-la ki té ni mizik-la, ében i déviré éti sé moun-tala. Lè i rivé, mizik té ka krazé ti kay-la. Moun ka woulé an manjé, é bwè té ka désann kon si sé té an lariviè.
_ YEEEE KRIK !
_ YEEEE KRAK !
_ YEEEE MISTIKRI !
_ YEEEE MISTIKRAK ! ES KE LAKOUR DOR SI LAKOUR NE DOR PA, LE REPONDE REPONN.
Evaris étan an lapot kay la kriyé, hé lè-zom, mi mwen ! man ni an ti bagay ba zot, yo pa menm pwan oté’y.
I rikriyé, hé lé-zom, mwen swef kon rara simenn sent, siouplé, ban mwen an vè pou pwan an ti labsent épi zot. Sé moun-la bay do ek mépri. Evaris rété la, i gadé yo, dlo plen dé zié’y, épi y di : zot wè sa zot ka fè mwen, sa pa bien, E i mété’y ka chanté ba yo, dapré’y pou moli tjè-yo. Toupannan i té ka chanté, afos i té ni chagren, nanm-li pati. Gran gran-met siel wè tout dékatman Evaris, i té ka tann chanté’y, i wè lè nanm-li chapé ; avan monboug fwet, adan dènié kout chanté a, nonm, fanm é ti manmay an ti kay-la, mété yo ka sanm piébwa filao.
Dépi jou-tala, lè ou wè ou wè gran van ka vanté, si ou bien kouté, ou ka tann an ti chanté lwen-lwen-lwen. Lè moun ka alé an gran bwa, pabò Fon Jan Lib, Mòn-Wouj, ni an wonn bwa filao, lè van ka vanté tout sé fey-la ka pwan frison ek ou ka tan menm ti chanté-tala. Mwen menm ki ka palé ba zot la, mwen wè tou sa, mwen té séré adan an gout lapli, mé van vanté, chayé lapli-la, kifè mwen rivé isia chwaaa !
Myrtô RIBAL RILOS