Lendi oswè an plen simenn-sent, yonndé éli le G-20 désidé pran anlot non. Kom Pak pa lwen, yonndé ja janbé pak, yo pa menm espéré sa Brino Nestò ké di dimanch pak. Misié rivé a zéro pou i té sa an tet lis dan linò.
Kidonk yo chanjé non, mé akondi poveb la: Sèpan ka chanjé lapo, mé es sé pa sèpan?
Antouléka atjelman fok yo kriyé yo: «Objectif Martinique»
Ki objektif yo?
Es yo lé Matinik vansé tout bon?
Es yo lé palantjé Matinik?
Es yo lé Matinik kontinié pati an fil-didin?
Adjilbè di mwen:
— Es Matinik ké vansé, oben ké tjilé?
Man pa ka konprann ayen adan zafè CTM-tala. Es sé ta Matinik oben es sé ta moun ki anvi fè sa yo lé? Ni an bagay man rimatjé, sé chak lè éleksion ka rivé yo ka konvoké Chaben douvan tribinal. Atout fos yo lé egzaminé’y.
Es yo ké mété Brino Nestò a la plas Chaben?
Ni telman bagay ka fet atjelman, anni gadé sa ki fet Senpiè. Parti Pli Mèyè-a (swadizan) an tjè-koko épi an boug ladwat ki pa rafen. Pengad, ni an ti-madanm éti ka mousé anpil sé jou-tala, es sé pa li ké mennen «Objectif Martinique» poutji pa, sa i mantjé?. Pis pa ni dwet ni goch ankò, zakari-a menm pri épi pen-an. Sa pé fet, ni telman bagay ka pasé an politik sé jou-tala ayen pa étonan ankò.
Sé pa selman an politik, anni gadé sa ki pasé Fon Layé mèkrèdi pasé. An marché mété anboutéyaj jik Kaz-Pilot. Ki tan ké ni an TCEspré ka monté dan linò tou?
Pétet i ké rivé Senpiè ou pa janmen sav!
Pandan éleksion man tann yo ponmet dégajé Nòw karayib-la.
Ki tan sendika ké monté blotjé Senpiè, ek mandé kom premié pwen revandikasion: «paiement des jours de grève»
Jou Chak Sendika Tavrayè Matinik ké monté baré Gran-Riviè pou mandé salarié péyé patron lè yo pa travay, pétet yo ké pran yo o sérié.
Mé ban mwen sispann matjé kouyonnad pou pèsonn pa di: Jid ka kasé grèv sa ki ja ni poch-yo plen!
Jid
* * *
«Tété doubout sé pou an tan» ek «sa ki ba’w konsèy achté chouval gwo bouden pa ka édé’w swen’y».