Gwo-Zépeng sé an bon kanmarad-mwen ek yonn toujou ka sonnen lot abò nou pa ka wè kò-nou anplil pas i pa ka viv Matinik.
Kidonk, lè Gwo-Zépeng té timanmay, i té di mwen kon sa rev-li sé té pati viv adan an gran péyi kon adan sé flim-lan i té wè a. An vérité, i pa anvi di sa ba pèson atjolman, men dépi lè i wè Star Wars primié fwa siléma, i désidé i té key toujou vwéjajé anpil tou kon Luke Skywalker, Han Solo, Chewbacca, R2-D2, C-3PO ek Princesse Leia abo i pa té key pé alé dan lespas kon yo. Men, i té lé trapé zanmi toupatou asou latè-a pas sé an boug ki enmen lavi ek liannaj.
Anplis, i enmen fè labonm tou davwè sé an bon vivan. Sé pou sa i vini didjé ek i trapé kontra toupatou oliwon latè pou fè moun dansé. Dayè, zot sav ki sa ? Bondié béni'y ek i touvé yan kalté bel model madanm kon ou ka wè adan sé piblisité-a ek yo fè an ti-bébé lanné pasé. Tout bagay-li té ka koulé nawflaw ek i té pou pati an Chin pou travay-li, men tout krab-la mò an bari-la dépi kovid-la.
I pa anvi alé pa koté lé Zéta-Zini non pli pas i anrajé padavwè sa yo ka fè Neg sipòté ek i pa anvi yich-li élivé adan vakabonnajri-tala.
I di mwen kon sa :
" Chabin, es ou pa konnet an moun ki ka lwé an vié kay dan fondok lakanpay ? Man rété padan tout ankazaj-la adan péyi moun-lan ek atjèman man pa sa wè an vil ankò. Anplis, man ni yan lavi rantré pa bò lakay-mwen dépi kovid-la ! An sel bagay, man ka espéré bel madanm mwen-an key lé suiv-mwen lakanpay Matinik pas i pa janmen pilé an bout zeb ek i pa ka konprann kréyol "
Mi bab, dann !
Man ka espéré zafè Gwo-Zépeng key rivé ranjé pas sé an bon boug : " Sa ki ta'w, lariviè pa ka chayé'y "
Man réponn li konsidiré man té an mapipi Jedi oben kon Mèt Yoda : " Que la force soit avec toi ! "