I té ni pres 100 lanné anlè tet-li. Pannan etsétéra tan sé la fok ou té alé si ou té bizwen an liv ki ka palé di bannzil karayib nou an oben di l'Anmérik di Sid. Non'y : "Librairie Alexandre". Moun ki enmen liv té simié di "Kay Aleksann".
Men, anmizi-anmizi i trapé poblem : zafè bonmitan Fodfwans ka dévidé abo yo mété an lari pou moun ki a pié selman ; zafè moun ka li ek achté liv mwens ki avan ; zafè sé lanméri-a pa té ka péyé fakti-yo a dat-la ki té prévwè a ek délè pa té ka réglé yo pies toubannman (libréri-a té ka vann liv lékol ba yo). Tou sa fouté "Kay Aleksann" bon tap ek vini lè-a été i té blijé fèmen lapot-li.
Sa pa djè chouboulé lespri sé reskonsab lavil Fodfwans lan ki toujou ni mo "kilti" a nan bouch-yo dapré yo. Epi dènié bout chimen-an fini pa rivé : yo ké vann tou sa ki andidan libréri o zanchè. Asiré-pa-pétet sa ki pa janmen mété pié yo yon sel fwa adan libréri-tala ké kouri-vini kon rat ki wè fonmaj. Asiré pa pétet !
Zanchè-tala ka riflété sa nou vini jòdi-jou : an pep ki pa ni pies larel ankò, pies bousol...
