Dépi volkan La-Soufriyè Sen-Vensan an déblozé ni twa jou, sitiasion-an vini krabik menm ba popilasion-an abo pliziè péyi bannzil karayib la za koumansé pòté pal ba yo.
An vwel lasann ki ka sanm lanej anni kouvè toupatou : jaden, kay, lawout, lawviè kisasayésa. Kifè mi anvwala moun Sen-Vensan pres pa ni dlo pou bwè pis lasann-lan pwofondé adan sé rézèvwa dlo péyi-a. Erez-di-bonnè, Babad, Sent-Lisi épi Bénézwel ka fè débriya pou pòté dlo, manjé, rad ek médikanman ba yo. An plis di sa, Sent-Lisi ek Antig di konmkwa yo dakò pou risivwè yonndé moun Sen-Vensan lakay-yo.
Kantapou volkan-an li-menm, sa ka sanm konsidiré i pa paré moli pies pis déblozay ka kontinié toujou ek yo sitelman fò ki lasann jik kouvè an pati Babad tou. Silon sa sé siantifik-la déklaré, fok ké atann pliziè jou, pétet menm pliziè simenn? avan volkan-an moli titak.