To lé di mo ki dipi nanninannan, menm lapli-a pa ka di nou anba soley cho a !
 Mè sékwa ? Telman nou sa pèp zandoli Lafrans ka grignen kou bwabwa ké pay an tchou !
 
VLOGODOW !

 Menm Konpèr Makak-a ka tournen so do pou ba nou vizyoné so latchò deryè, Ho !
 Kolonyalis-a pa pouvé kontinyé transpoté so kò toupatou douvan sé boté latè-a,
 Pou di nou ki i a so koté !
 
Mè sékwa ! Sa péyi-a gen bon roch ki gravé an mémwar so pèp-yan, 
É ni pèp, ni roch-ya, pé lévé mouch'rouj an mannyè sarézon !
 
BOUDOUM-TAK !
 
Sé pa tibwa sèk ka konyen van ka vanté annan oun bal brézilien !
Sé lé bon Koupé-Foulé-Plonbé ka tanbé-lévé an larmé dé vivan Konbatan !
Sé soda ki pa kapon douvan kannon massogan kolonyalis-yan !
Sé parfen libété ké l'inité nou péyi anba oun soley ka pété !
Sé laviktwar ki nou gangan tout nasyon La Guyàn,
Koumandé nou douvan sab ka klėré lannwit !
 
SENKANT AN ! Mo ka wè ké tandé yé ka kaya-kaya nou pèp-yan,
Ki yé-menm ka senken-senken larézistans' !
Lèr-a tanbé ti Papa !
 
Bwa pou nou alé !
Wapo Na Dé !
Go Afissi !