Ou sé di ni sèten pep ki pa lé grandi pies. Yo lé rété timanmay tout lavi-yo ek kon tout timanmay ki gaté, yo ka chigné, yo ka vréyé pié, yo ka djélé anmwé jistan papa-yo oben manman-yo ba yo sa yo ka mandé a. Menmsi bagay-la yo lé a enposib oben kontradiktwè. Lè ou gadé, sa tibwen nowmal pis timanmay poko ni lojik, yo poko rivé a an laj éti yo kapab rézonnen.
Es pep matinitjé a sé an pep ki timanmay toujou ?
Nou blijé pozé kò-nou keksion-tala pres tou lé jou lè nou ka fè tan jété an zié asou konpowtasion'y. Kontel lo sik-la anlo moun ka fè a davwè parlèmantè (kivédi dépité ek sénatè) PPM/EPMN anboché ayen ki kolaboratè ki blan. Tout moun ka krititjé sa, ka dénonsé sa, anlè Fesbouk, Whatsap, blog kisasayésa...Moun endigné !
Atitid-tala sé an atitid ki kouyon, ki tèbè kité tèbè ka alé. Poutji ? Pou an rézon ki senp bon kalté senp-la : ou pé pa, an menm lè-a rifizé kaskod épi la Fwans, rifizé séparé kò'w di Papa Blan an ek vréyé labou kont Blan. Sa ilojik mé an plis sa inadmisib tou ! Sé konpowtasion ti bébé gaté ki la. Lè yo té ba zot posibilité trapé an ti zizing, an ti lapousiè lotonomi ni yonndé lanné di sa, zot voté a pasé 70% kont li, kidonk sispann siléma zot la jòdi-jou. Nou koumansé boufi épi lo zonnzolay-zot la. Nou bon ké sa ! kon sé Guiyanè-a ka di.
Tjiiip ! Pa rété la !...