Accueil
Aimé CESAIRE
Frantz FANON
Paulette NARDAL
René MENIL
Edouard GLISSANT
Suzanne CESAIRE
Jean BERNABE
Guy CABORT MASSON
Vincent PLACOLY
Derek WALCOTT
Price MARS
Jacques ROUMAIN
Guy TIROLIEN
Jacques-Stephen ALEXIS
Sonny RUPAIRE
Georges GRATIANT
Marie VIEUX-CHAUVET
Léon-Gontran DAMAS
Firmin ANTENOR
Edouard Jacques MAUNICK
Saint-John PERSE
Maximilien LAROCHE
Aude-Emmanuelle HOAREAU
Georges MAUVOIS
Marcel MANVILLE
Daniel HONORE
Alain ANSELIN
Jacques COURSIL

WOULO-BRAVO !

Térèz Léotin
WOULO-BRAVO !

An sosiété bòkay fini trapé an pri. I ka fè sa i ka kriyé " Pétales de fruits" épi patatt, milon, papay, é mango, tousa konsa, man kwè. Menm manniè, anlè marché a, za ni chips bannann, dépi tjek tan, moun ki pa pou konsonmen twop bagay dou ka atann i fè pétal friyapen. Nou ké wè si ti manmay kay manjé'y. Friyapen.

Jòdi jou, kelkanswa si ou sé, fòmasien, dòktè, dokè, djobè, mett-lékol oben pitett gwo bétjé, ou kay tonbé dakò pou rikonnett ki friyapen mété lavi an zasiett ban nou. Sé pié friyapen an té ni an labitid ka douboutt bò kay la, douvan'y oben dèyè do'y, konsi sé té dé wa ki té la ka véyé asou poplilasion yich yo, é jik lavil Fòdfrans ki té chonjé ni Lakou Friyapen'y. I tounen téren fribol dépi. Ess nou sav ki kisiswa an pié mango, an pié zoranj, an pié tjennett oben an pié mandarin, an pié prinsitè, an piébwa nan mitan lavil, sé té an vré pen béni ? Dayè, silon sa pawol la té ka di, friyapen nan bouk, é fok nou palé di yo, té mèyè pasé ta lakanpangn. Sé té bon pen piébwa a té ka ba'w. An pen bwa. Menm manniè yo ka kriyé friyapen an, penbwa, moun ka di pié penbwa. Épi menm plézi ou ka pran pou tjuiyi penbwa a, ou ka tjuitt li nan dlo, san bliyé ladjé adan'y, délè, an ti djol poliyiss, koukoun chabin, si ou simié nonmen'y konsa, oben an zel lanmori. Ou ka pé woti'y tou, fè migan friyapen, fritt, piré, potaj, gato lè i za dou, oswa konfiti épi sé tòtott la, é menm dité ou ka pé paré épi sé fè'y jòn lan, lè, ou tou boufayé anba gaz, an mal fwa ki sé la ka toumvazé boyo'w an toutt sans. Ess moun pa ka fè béchamel friyapen ? Sa dwett bon, dann. Lagli lékoss piébwa tala, ou té ka pé tjenbé mel pou manjé'y woti, épi.... friyapen an. Lè ou pran tan gadé lantou'w bien, sé kay selman ki ka lévé toupatou nan bouk. Si i sé rété an piébwa ki sé lé gwayé moun, sé pass afoss wè'y san wè'y, yo pa ka wè popilè a douboutt la, pou yo vini fini épi rass li. É, padan tan tala lakanpangn gazon ka plen-bouden zié. Ni tjanmay ki pa jenmen manjé friyapen. Yo pa konnett sa. Sa pé rivé yo pa jenmen gouté'y, men sé lé, yo pa lé'y, kanmenm. Yo pa lé konnett gou'y, é pèsonn pa ka pran lareskonsabilité fè yo enmen'y nonpli. Ni an moun ki désann laradio, souplé, pou di ki li, i ni djoldou, é ki friyapen an, lè i pa opozé'y dòmi anba kòchima i ba'y, i ka lévé zégrè an lestonmak li. Fok kwè sé kont li friyapen an kont li. I bliyé rakonté bel lanmizman an, diri, ponmtè épi patt ka ba'y jwi. Mi ki manniè ou ka di an manman ki, manjé a i té ba'w, lè ou té ka fen an, kidonk lè bouden'w té ka mandé'w pèman, mèsi. Ou pa lé tann palé di model manjé'y la ankò, ni épi kanmarad koubouyon, ni adan lasoss-chen. Dayè, aprézan dépi tjek tan, sé "sauce créole" moun ka di pou palé konmifoman kon "bon moun". Lavi press pati pou woulé san mess nou, aloss man ka di sosiété bòkay tala an bel woulo bravo ba'y pou i ban nou pétal friyapen é pou i dépasé laliman bòkay. Woulo bravo.

Térèz Léotin

Connexion utilisateur

CAPTCHA
Cette question sert à vérifier si vous êtes un visiteur humain afin d'éviter les soumissions automatisées spam.