Men zot dwet rimatjé sa dépi yonndé tan : pié-madarin nou ka anni vini flègèdè, yo ka déchèpié, yo ka ped tout fey-yo. Bwanch-yo ka vini sek ek nwè konsidiré ni tjek maleng ki ka pwézonnen yo. Koté ki té ni bel pié-madarin kontel lakanpay Sent-Mari (Matinik) oben Kapestè (Gwadloup), sé an sel délala, an sel ladézolasion toubannman.
Pèsonn pa sav ki sa ki lotè maleng-tala !
Pli mal ankò : ou sé di ki lé-zotorité bien foutépamal. Wouchachè ka travay asou agrikilti pa ka di hak. Bouch-yo koud red-é-dri. Konsidiré nou pé kontanté nou enpowté madarin l'Espay la ki ni an pli bel lapo jòn-abriko ki ta nou an, men ki pa djè ni gou. Ki fad pli souvan ki rarman !
Ni yonndé lanné di sa, tout moun ka chonjé ki pié-papay tou té trapé an mové malkadi. Tout moun té konpwwann kpapay té ké anni disparet di péyi-nou, men érez-di-bonnè, sa pa fet ek jòdi-jou, pié-payay viré koumansé ka fléri ek ka ba nou bel fwitaj kon avan. Es mirak-tala ké fet pou pié-madarin ? Pèsonn pa sav.
Pou alà, sé an Lanwel san madarin-péyi nou ké pasé...