Erez-di-bonnè Frantz FANON pa la ankò pou wè adan ki léta péyi-a i té sitelman enmen an, péyi i goumenn ba'y la, kivédi l'Aljéri, chapé-tonbé. Sa ka fè pasé tjenz lanné ki prézidan péyi-a enpiok, ki i pa ka menm rivé fè dé fraz kolé, men i pa lé ladjé pouvwè-a. Poutan, BOUTEFLIKA té adan sé révolisionnè-a ki té lévé ladjè kont sé kolonialis fwansé a an 1954 ek ki érisi fè yo pwan lanmè sèvi gran savann. Li épi FANON té jwenn nan li-sid péyi-a an 1958 pou wè ki manniè yo té ké pé vréyé zam ba sé konbatan-an ki té adan montangn-lan.
5 juiyé 2018 tala, ki sé jou yo ka fété lendépandans péyi-a, ké rété adan tout mémwè kon an jou éti you éti yo fouté pa mal di djol pep aljérien-an. Poutji ? Anni gadé foto-a ki ka ilistré artik-tala ! Konmva BOUTEFLIKA enpiok kité enpiok ka alé, konmva i pa sa ni palé ni maché, enben yo fè an bidim foto di'y lè i té jenn (apochan 40 lanné) ek yo mété pòtré'y nan tet défilé-a !!!
Es BOUTEFLIKA ped tet-li ? Es i vini dekdek ? Nou pa sav. Pétet sé laliwonday-li ki ka fè sé kalté djendjen-tala. Yo plis ki sav jou lanmò baré'y, yo ka riské ped tout lavantaj-yo kidonk yo ka kontinié mentienn li an pouvwè-a kontel an momi. Pannan tan-an, pep-la ka pwan fè, lajennes ka chaché janbé lanmè Méditérané pou ay chèché an lavi ki méyè an l'Ewop ek rékolonmi péyi-a, abo i ni bon pétwol ek gaz natirel, ka dédjeldésann jou apré jou.
Ki tan viérev-tala ké bout ? "Viérev" sé an pawol an tan lontan pou di kochma...