Pannan tout mwa oktob-la sé anni artik ki matjé an kréyol zot ké jwenn asou nich-twel (site-web/website) nou an, MONTRAY KREYOL. Sé an manniè ba nou pou sa gloriyé (célébrer/to celebrate) "zépon natirel nou" kon moun lontan té enmen kriyé kréyol. Okontrè di sa anlo moun ka kwè, kréyol adan an bat-manman, an bankoulélé, an chimen-koré (impasse/ deadlock). Sa vré ki ni an patjé éfò ki fet, soutou Linivèsité (épi dé mal-boug kontel défen Jean BERNABE) pou sa vréyé'y douvan ek viré ba'y balan, mé toupannan travay fondal-natal tala té ka woulé, dérayaj servo pep la té ka kontinié gran balan. Kifè jòdi-jou, pres pa rété ankò moun ki konnet palé an kréyol ki obidjoul (correct). Sa nou tout la ka sèvi tou lé jou, sé an kalté migan éti ou pa ka rivé rikonnet ni kréyol ni fwansé.
Nou sé dènié jénérasion ki pé tiré kréyol-la adan bankoulélé-a éti i ka lolé (baigner/to bathe) dan'y lan. Nou sé dènié jénérasion ki kapab blijé sé nonm ek fanm politik nou an pwan kèsion lang-lan o sérié ek mété doubout an véritab politik lengwistik, bagay ka fet toupatou koté ni an lang ki minasé oben ki ka pwan fè : Tahiti, Kows, Kataloy, Kébek kisasayésa...Adan pwogram "GRAN SANBLE", ki genyen éleksion téritorial la nan mwa désanm 2015, ni an zafè "OFFICE DE LA LANGUE CREOLE" ki té prévwè, mé 2 lanné za bay-alé ek nou pa ka wè an tjou-patat ka mété kò'y doubout ! Matinik sé péyikréyolopal (créolophone/
Sa pé pa kontinié woulé kon sa ! Fok tout moun ki enmen kréyol, ki ka respekté léritaj-la sé gangan-nou an (ancêtre/ancestor) kité ba nou an, sanblé pou sa blijé sé politisien-nou an fè an jes ba kréyol. Sa tibwen two fasil mété "Mèsi anchay ! Mèsi anpil !" nan bout plodari politik yo ek konpwann ki yo tjit épi kréyol. AWA !...