Sa ki fini pasé a adan lavil Orlando, atè lé Zéta-Zini, kivédi zafè an jenn boug pwan an fizi-mitrayè ek i anni dépann 50 moun ki té adan an bwet-di-nui, pa ni pies kalté liannaj partikilié épi islam okontrè di sa anlo jounalis ek politisien ka prétann. Sa vré ki sazinè-a, an Méritjen ki ni paran ki fet an Afganistan, déklaré i konmet jes-tala an non Léta Islamik kivédi Daesh ek sa vvré tou ki Daesh pibliyé an dé-mo-matjé pou ba misié lafélisitans, men nan fondok afè-a menm, sé an lot bagay nou pé wè.
Poutji ?
Pou dé kalté rézon. Dabò-pou-yonn, kon met-a-manyok lé Zéta-Zini, Barack OBAMA, viré di'y, sé davwè pa ni pies kontwol konmes zam nan péyi-a. Nenpot kalté moun ka anni antré adan an magazen ka vann zam, ka chwézi model zam-la i lé a ek si zot wè i ni sifizanman lajan, i ka ripati épi'y lakay-li. Lé Zéta-Zini sé sel péyi asou latè éti an bagay kon sa légal. Sé dayè pou sa sé péyi éti moun ni plis zam andidan lakay-yo. Ni an krey-lentéré ka défann red-é-dri zafè moun ni dwa achté zam ek gadé yo lakay-yo. I ni bon lajan, i mapipi ek pies met-a-manyok méritjen pa janmen érisi fè'y tjilé.
Dézienm rézon masak-la ki fet atè Orlando a, sé zafè rilijion, tout rilijion ki asou latè, ki rilijion krétien, ki mizilman, ki juif, ki endou kisasayésa...ka rijété makoumè, zanmiyez ek bokantè-nati. Moun ka lonjé dwet asou islam davwè sazinè Orlando a mizilman, men anni gadé lo manifestasion-an ki fet an Fwans lè gouvelman-an té lé voté an lwa pou pèmet makoumè ek zanmiyez mayé ! Sé manifestan-tala sé té katolik, moun ki jaja Jézikri ek Laviej Mari, men mésaj Labib la ki ka di kon sa "Fok tout moun enmen tout moun", ou sé di yo pa janmen tann palé di'y. Anni gadé adan anlo péyi l'Ewop ki manniè dé sèten moun ka anni désidé lenndé an makoumè kou oben menm délè tjwé'y toubannman.
Sa inadmisib ki adan siek-la nou ka viv la, nou pa kapab respekté larel seksiel an moun. Di ki dwa nou ka désidé ki sel liannaj ki korek sé liannaj ant an nonm ek an fanm ? Atè lé Zantiy, nou pa pi toléran, lespri-nou pa pli laj ki adan sé péyi l'Ewop, l'Anmérik ek Mond Arab la. Okontrè, ou sé di lespri-nou pi fèmen ankò ki ta yo lè nou ka fè tan kouté balan rigoladri kouyon nou ka fè asou makoumè ek zanmiyez. Nou poko menm konnet moun ka bokanté nati, men jou sa ké rivé lakay-nou, es nou ké asepté sa ?
Kantapou sé politisien-nou an, olié yo chaché wouvè lespri pep-la, yo ka batjé adan menm larel étwet la ki'y ek sé kon sa anlo adan yo rifizé voté, atè Lasanblé Nasional fwansé, lwa-a ki ka pèmet moun ki ni menm nati mayé kò-yo. Nou pa dakò pies épi manniè-wè tala...
Vokabilè :
Bokanté : changer.
Bokantè-nati : transgenre.
Dé-mo-matjé : communiqué.
Dépann : abattre.
Erisi : réussir.
Fondok : fond.
Jaja : adorer.
Kisasayésa : etc.
Kivédi : c'est-à-dire.
Krey-lentéré : lobby.
Lafélisitans : félicitation.
Lenndé kou : rouer de coups.
Liannaj : relation.
Mapipi : très puissant.
Met-a-manyok : président.
Nati : sexe.
Rayisans : haine.
red-é-dri : farouchement.
Sazinè : assassin.
Zanmiyez : lesbienne.