Accueil
Aimé CESAIRE
Frantz FANON
Paulette NARDAL
René MENIL
Edouard GLISSANT
Suzanne CESAIRE
Jean BERNABE
Guy CABORT MASSON
Vincent PLACOLY
Derek WALCOTT
Price MARS
Jacques ROUMAIN
Guy TIROLIEN
Jacques-Stephen ALEXIS
Sonny RUPAIRE
Georges GRATIANT
Marie VIEUX-CHAUVET
Léon-Gontran DAMAS
Firmin ANTENOR
Edouard Jacques MAUNICK
Saint-John PERSE
Maximilien LAROCHE
Aude-Emmanuelle HOAREAU
Georges MAUVOIS
Marcel MANVILLE
Daniel HONORE
Alain ANSELIN
Jacques COURSIL

Mèt zéklè ka konnyen soley ké roch !

Mèt zéklè ka konnyen soley ké roch !

   Pierre CARPENTIER nous livre ci-après une magnifique traduction en créole guyanais d'un passage du poème d'Edouard GLISSANT paru dans l'ouvrage "E. GLISSANT, Forgeur d'Eclairs, Caillasseur de Soleil"...

A lò roch karayib-a pété ki lanésans di poèt-a vini pou nou,

Sa  chaviraj dlo lanmè-a té sa roun krazé nèt, 

Ki jouk atò paka jen pran fen.


 

I voyé moso limyè dlo,

Ké sonjé ki véyatif,

Pou tiré nou-tout anba somey.

Kou dlo lanmè-a ka wè so kò fouyé ké limyè soley,

Nou libèté an tout mannyè-ya divèt ka raché san nou pa tchoulé.


 

Atélyé mès-afors toujou konyen san pozé anba syèl massogan-yan.

Renk ki konba san libèté pa ka rantré, 

Renk ki kaloj repiblikenn-a,

Renk ki pri andan kò yé larépiblik-a,

Ké so la layisité kolonyal toupatou asou lanmè-ya,

Piès endépandans nasyonal pa ké poté-la !

Soti ofon sa kò-a !...


 

Tonnè disan asou latè !

 

  • Nou-menm :

Guéryé kanak kaksé ké difé viktwè nou gangan-yan asou kaponnri !

 

  • Nou-menm : 

Endjen Laguiyàn, nou sa fè di lans rouj ; ofon zot lanfè-a, zot ké pran kirar pou myèl !

 

  • Nou menm :

Bushinengue, dokò ka kaya-kaya roch so-ya, doubout solid pou la nasyon,

 

  • Nou menm Tayisyen :

Nou ren maré ké lapo pyébwa féssé touvivan asou disan roch,

 

  • Nou menm :

Markizyen, ka pran bri tèt boutou ka frakassé, pou amizman di sé batay antan lontan,


 

  • Nou menm :

Matiniké, mèt elektrik ka sabré téren la libété, tchwinn’ !


 

  • Nou menm :

Réyoné, ki tété piman, labrèz ké difé kannari,


 

  • Nou menm :

Gwadloupéyen, nou vayan gangan-yan té kou dragon ka dékalé lapoud a kanon,


 

  • Nou menm :

 Guiyàné révolisyonèr ini douvan ni latè ni drwè ki toulédé sa di yé.

(Mèt karé poun moman, mé ki frajil asou larivyè).

 

Nou ka hélé HO !

Mové kozman lanmè-a ki paré pou dérayé tousa ki asou so dlo,

Mé senbolik nou vayans !

Nou kouronnman sa di viktwè asou loséan !


 

Poèt ! Ranmassé to laforj !

Charjé, ajisté to latélyé zéklè !

É konnyen yé ké larbalèt soley !

Connexion utilisateur

CAPTCHA
Cette question sert à vérifier si vous êtes un visiteur humain afin d'éviter les soumissions automatisées spam.