An ti krey moun ka vansé : Manzè Piépoul, wob blé, responsab lésision a laritret ; Pè Fetnat, ansien konbatan, kostar blan, an baton an lanmen’y ; Man Jakot, wob wouj, direktris lékol a laritret épi Ti Sonson an bakwa anlè tet-li... Yo ka aresté douvan an primié fondas san estati.
Man Jakot (ka gadé fondas-la)
Quelle honte !
Manzé Piépol
Pardonnez-leur ! Ils ne savent pas ce qu’ils font !
Pè Fetnat
Pardonner pardonner !! Padon pa ka djéri bos !
Man Jakot
An bann vwayou dérespekté grannonm-lan.
Pè Fetnat
Gran nom-lan ki libéré granpapa-yo.
Manzè Piépoul (ka chigné)
I pa té mérité sa !
Man Jakot
Neg toujou ni an kout neg pou yo fè !
Ti Sonson
Sa vré sa !
Man Jakot
Lè man ka sonjé chak lanné, mè dépité sénatè met-lékol sendikalis avoka doktè vétérinè apotitjè séansié tjenbwazè
Manzè Piépoul
Masè monpè monségnè
Pè Fetnat
Ponpié ofisié solda jandam polisié
Ti Sonson
Djobè chomè
Man Jakot
Timanmay granmoun viékò... chak lanné, pou gloriyé gran nonm-lan, adan an sel chanté, ansanm ansanm nou té ka chanté
La montagne est verte
les Schoelchéristes
la montagne est verte
La montagne est verte
les Schoelchéristes
la montagne est verte
Chelchè ka briyé kon an étwal a loriyan
Chelchè ka briyé kon an étwal a loriyan
Manzè Piépoul
Gras a sé gras a Chelchè
si nou ni jòdi lalibèté ki si cher a nou
Yo tout
Gras a sé gras a Chelchè
si nou ni jòdi lalibètè ki si cher a nou. (1)
Ti Sonson
Viv Papa Chelchè !
(1).“La montagne est verte”, chanson accompagnant un court-métrage de 1950
Commentaires