Accueil
Aimé CESAIRE
Frantz FANON
Paulette NARDAL
René MENIL
Edouard GLISSANT
Suzanne CESAIRE
Jean BERNABE
Guy CABORT MASSON
Vincent PLACOLY
Derek WALCOTT
Price MARS
Jacques ROUMAIN
Guy TIROLIEN
Jacques-Stephen ALEXIS
Sonny RUPAIRE
Georges GRATIANT
Marie VIEUX-CHAUVET
Léon-Gontran DAMAS
Firmin ANTENOR
Edouard Jacques MAUNICK
Saint-John PERSE
Maximilien LAROCHE
Aude-Emmanuelle HOAREAU
Georges MAUVOIS
Marcel MANVILLE
Daniel HONORE
Alain ANSELIN
Jacques COURSIL

LANNUIT KRÉYOL : « KASSAV » KRACHE-DIFÉ !

LANNUIT KRÉYOL : « KASSAV » KRACHE-DIFÉ !

« Kassav » sanblé pres otan moun ki LKP adan Estad la Fwans pis sé 65.000 moun ki té kouri-vini-kouté pli gran owkes lakay-nou. I té ka fété 30è aniversè’y ek sé an bel lekzanp a pliziè nivo. An lekzanp a nivo kolaborasion ant Matinitjé ek Gwadloupéyen pis “Kassav” toujou ni pres otan misizien oben chantè ki natal di sé dé péyi-tala. An lekzanp a nivo sériozité davwa rivé tjenbé an krey-moun kon sa pannan si-telman tan ka mandé ki chak moun-lan dwet an travay-li ek ki yonn ka respekté lot. An lekzanp a nivo valorizasion kilti lé Zantiy davwa « Kassav » pòté kilti-nou ek mizik-nou toupatou oliwon latè, jik atè Japon koté yo ni anlo sipòtè ki jaja yo.

An lekzanp a nivo fos ek belté lang kréyol la davwa yo toujou rèfizé chanté an fwansé pou flaté piblik fwansé a kon dé sèten ti chantè kouyon jòdi-jou ka fè a.

Men sa ki pli fò adan 30 lanné mizik « Kassav »-la, sé ki yo réyisi modènizé mizik nou, migannen dé sèten ritm ki sòti adan gwo-ka oben bèlè épi dé ritm ki pli modèn kontel mizik sé Neg métitjen an. Sa yo réyisi fè a, sé an kalté lasos ki ka sanm tala sé Pangnol-la fè èvè « Salsa », an mo ki dayè vlé di « lasos ».

Sé pou sa, jòdi-a, nou ka di yo kon sa : mèsi, misié Jacob Desvarieux ! Mèsi manzel Jocelyne Béroard ! mèsi Georges Décimus ! Mèsi Jean-Philippe Marthely ! Woulo ba Patrick St-Eloi ! Woulo ba Jean-Claude Naimro ! etc…etc…Zot sé dé mapipi, zot sé fièté-nou. Nou ka swété ki zot rété lontan ankò pou dousinen zowey-nou ek miyonnen nanm-nou. « La Sonora Matancera », owkes tjiben an diré pasé 50 lanné, poutji zot pa té ké pé fè otan ?

Alò sa vré ki apré zot, dèyè zot, ni anchay opowtinis ek pwofitè ki anni batjé adan mizik zouk la pou fè lajan ek ki, malérezman, kochonnen zouk-la. Sé vré ki an kalté model « zouk-love » tèbè anni dédjeldésann ki laradio ki latélé, bagay ki pres fouté zouk-la an bétiz. Mé sé pa lapli pou mouyé zot ! Sé ti afè ki la !

Kontinié ban ou bel son ! Kontinié fè nou révé !

Connexion utilisateur

CAPTCHA
Cette question sert à vérifier si vous êtes un visiteur humain afin d'éviter les soumissions automatisées spam.