Yéééééééé krik !
Yéééééééé krak !
Yéééééééé mistikrik !
Yéééééééé mistikrak !
Krik !
Krak !
An ti lasous té ka koulé lajounen kon lannuit,
an ti dlo klè ek léjè.
I vini gran, i vini an bel lariviè otila gro roch,
gran basen ka fè tilili adan'y épi enpé piébwa tout alantou'y.
I té ka ba moun lanvi vini lavé adan'y. Dlo'y té telman prop,
telman fré, té ni telman bon gou. Délè, yo ka anni wè an
lakansiel ka bésé anlè'y.
Lakansiel-tala té ka vini souvan. I té bel boug.
I té ka bésé anlè lariviè-a é té ka brè dlo-a kon an agoulou
gran fal. Ti lariviè-a té ka sanm i té enmen sa. Lakansiel-tala
té ni zié klè. I té ka miyonnen ti pawol adan zorey tousa ki
pòté jipon. An jou, i vini bésé anlot fwa anlè lariviè-a.
- Manman, manman, gadé sa, lakansiel-la
ka bwè dlo lariviè-a !
Sé té yich yonn adan sé lésivez-la. Lariviè-a frisonnen.
I té telman kolé bò'y. I santi lalenn-li. I té enmen lè i té ka
menyen'y. I té enmen lalenn li. I té enmen manniè fè'y.
I té ka fè kon an ti lanj tou inosan. Sé té an lanmou.
I té obidjoul.
- Es i té pé an jou chanjé titak ?
Es i té pé an jou enmen ansel moun ?
Es i té pé enmen mwen, mwen tou yonn ?
Ti lariviè-a té ka di.
Lariviè-a té enmen'y, i té enmen'y, i té enmen'y.
Tout moun té sav sa, ajijé wè sé lésivez-la. Yo té jalou'y,
jalou lanmou'y la, jalou doudou'y la.
Yo té ka yen ki manti anlè doudou chéri lanmou'y la,
lakansiel. Lakansiel pétet, té ni lenstriksion, men i pa ni
lédikasion, sé an aristokrat, alapektékolé, bodzè, sa vré,
men i ni an manniè tro konparézon, tro délika.
Tet lariviè-a té ka vini gro kon Lamontann Pèlé,
lè i té ka tann lavalas pawol-tala. Pawol plen épi fiel, épi
vlen adan'y. Men, lariviè-a té ka rété koul, fò épi plis fos
pou lapéti lanmou-tala. Lanmou-tala té telman gran, telman an manniè
pèsonn pa lé kwè sa, telman ka ba fos épi kouraj, telman ka
tounen tet.
Tout moun té ka ri lariviè-a, dèyè do'y.
Jenn-fi, lè yo té ka wè'y, yo té ka kraché anlè'y.
Sé gason-an, yo, té ka pijé nen-yo, oben yo té ka séré fidji-yo épi
lanmen-yo toupannan yo ka gadé an fant dwet-yo. Dot té ka
vwéyé woch anlè'y.
Krik !
Krak !
Dot ankò, té ka chanté :
Délika ! Ka ! Ka !
Délika ! Ka ! Ka !
Délika ! Ka ! Ka !
Lariviè-a té trapé gro tjè.
Tout moun té ka kité'y tonbé. Tout moun té
ka kouri lè yo té wè'y.
Kisa i té fè pou moun aji konsa épi'y ?
Lajounen kon lannuit i té ka pléré.
Moun té ka tann dlo-a fè glou glou glou lantoun sé woch-la,
ant sé mòso piébwa-a ki té kouché adan lariviè-a.
Lariviè-a pran kouraj, lévé tet-li.
Prèmié moun ki pasé, sé Manmandlo, i di'y konsa :
- Poutji zot kité mwen tonbé ?
Poutji zot ka kouri lè zot ka wè mwen ?
Kisa mwen fè zot pou trété mwen épi tousa mépri ?
Yé krik !
Yé krak !
Manmandlo réponn li:
- Yich-mwen, fok ou sav, lanmouré-tala ou chwazi a,
tala, i pa pou'w.
- Poutji i pa pou mwen ? Mwen enmen'y !
- An-an lariviè, tala, i pa pou'w.
Manmandlo pé an moman, épi i di'y :
- Lakansiel sé frè'w, ou pé pa enmen'y.
Ou pé enmen'y selman kon moun ka enmen an frè.
- Kouman ? Lakansiel sé frè mwen ?
Ay Mondié !
- Papa'y sé an niyaj yo kriyé Gromakoso, i fè yich épi
pliziè fi adan pliziè kartié. Gromakoso sé papa'w osi.
Krik !
Krak !
- Manman'w pa rivé di'y non. Ou ni dot frè ankò, kontel
Gren Nwè, Gren Blan, Gren Masiyé épi dot sè, kon
Fifin Lapli, Gro Lapli, Lapli Chinia, Ti Lapli.
Anhan, yich mwen, défann fè sa !
é sé konsa sa yé.
Ou pé pa fè yich ni épi frè'w, ni épi papa'w, ni épi an moun
adan fanmi'w. Ou pé pa fè an fanmi épi an paran ki ni menm
san ki'w.
Sé lésivez-la té séré adan razié-a.
Yo hélé tout ansanm :
- Lè moun ka fè sa yo ka fè ti mons !
Yo mété ri atè ! Yo kontinié ka chanté :
Délika ! Ka ! Ka !
Délika ! Ka ! Ka !
Délika ! Ka ! Ka !
Tout moun lan té anrajé kont lakansiel.
Yé krik !
Yé krak !
Épi mové labitid li a, ka miélé, ka kouyonnen moun.
I té ka kontinié zayé tout sé fi-a, ka ba yo an timanmay épi ka
disparet an bwa, menm manniè ki papa'y té fè
bon enpé jenn fi.
Lariviè-a mété tjè'y an sonmey, é fè serman
pou i pa kité, nonm madragè, tounen tet-li.
I jiré anlè lavi'y pou atjelman i ni tet-li plis anlè zépol-li.
Yéééééééé krik !
Yéééééééé krak !
Yé krik !
Yé krak !
Krik !
Krak !
---------------------------------------------------
Vokabilè
Pa ka nouri chouval pou ofisié monté : inceste
Ka fè tilili : se multiplie à l'infini
Gromakoso : Cumulo-nimbus
Gren Nwè : Nimbo-stratus
Gren Blan : Averse en mer
Gren Masiyé : Positionnement de grains
Lapli Chinia : Averses fréquentes et légères