Accueil
Aimé CESAIRE
Frantz FANON
Paulette NARDAL
René MENIL
Edouard GLISSANT
Suzanne CESAIRE
Jean BERNABE
Guy CABORT MASSON
Vincent PLACOLY
Derek WALCOTT
Price MARS
Jacques ROUMAIN
Guy TIROLIEN
Jacques-Stephen ALEXIS
Sonny RUPAIRE
Georges GRATIANT
Marie VIEUX-CHAUVET
Léon-Gontran DAMAS
Firmin ANTENOR
Edouard Jacques MAUNICK
Saint-John PERSE
Maximilien LAROCHE
Aude-Emmanuelle HOAREAU
Georges MAUVOIS
Marcel MANVILLE
Daniel HONORE
Alain ANSELIN
Jacques COURSIL
Kréyolad 906

Lafensimenn blé

Jid
Lafensimenn blé

Istanislas kasé zel anlo moun lasimenn pasé. Misié té ja vèti, dépi vandrèdi anlo koté ka risivrè kontrolè. Yo té ka mandé pas sanitè. Pa ni zafè moun ka alé ni an bibliotek, ni restoran san prézanté an papié komva i pa kontaminé.

Jik atjelman zafè vaksen-tala ka divizé moun pakanpak.

Ni sa ki di sé pa an vaksen pas lè ou pran an vaksen ou ka protéjé pou konmen tan. Tala apré apenn kat mwa fok ou pran anlot doz. Kidonk sé pa an vaksen mé an tretman kont an viryis yo pa konnet ka chanjé lapo toulong. Nou té ni «Delta» atjelman sé «Omikron» es i ké mennen nou jis Miklon pou trouvé an rimed?

Ni dot moun éti pè pitji-a pas i pa ka toutafetman opozé’w tonbé malad. Ou ka malad kanmenm mé yo di sa ka abréjé’w.

Kom nou an koumansman lanné-a, sa tout moun ka swété sé tout lo vakabonajri vaksen-tala dit. Pas moun pé pa viv ankò san mas, san rété oliwon dot moun.

— Es moun ké pé tjébé lontan san nou bo Papa Doudou ek Manman Nènet?

Sa ka fè tout moun énervé, sé bien pou sa misié Limè Omaren ja jik mènasé i ké démisioné pas kontab piblik-la désidé sé li ka péyé fakti pli ansien. E lanméri-a plen det, i ni défisi é misié Limè pé pa fè sa ki an gou’y. An plis i té kritiké tala ki té la avan’y lan épi i té ponmet anlo bagay.

Dé manmay Kabé éti té ni difé lanné pasé, ka mandé mè komin-an otjipé di bòn ensandi. Pas asiparé komkidiré tala ki bò lanmè-a pa té ké ni asé dlo.

Apré simenn blé-tala moun ka espéré anlot simenn pli kam, menmsi Lentèsendikal (épi sendika an mwens) ja prévwa mobilizasion pli red kon zafè oblijé moun pran pitji.

Gouvelman la ka voté an lwa es i ké aplitjé’y Matinik?

Adjilbè mandé mwen:

— Nou fransé oben nou pa fransé?

Si zot sav fè di mwen!

Jid

Bel poveb kréyol 645

«Mizè bef pa mizè chouval».

 

Le Marin vu depuis le Morne Aca. Photo Francesca Palli

Connexion utilisateur

CAPTCHA
Cette question sert à vérifier si vous êtes un visiteur humain afin d'éviter les soumissions automatisées spam.