Accueil
Aimé CESAIRE
Frantz FANON
Paulette NARDAL
René MENIL
Edouard GLISSANT
Suzanne CESAIRE
Jean BERNABE
Guy CABORT MASSON
Vincent PLACOLY
Derek WALCOTT
Price MARS
Jacques ROUMAIN
Guy TIROLIEN
Jacques-Stephen ALEXIS
Sonny RUPAIRE
Georges GRATIANT
Marie VIEUX-CHAUVET
Léon-Gontran DAMAS
Firmin ANTENOR
Edouard Jacques MAUNICK
Saint-John PERSE
Maximilien LAROCHE
Aude-Emmanuelle HOAREAU
Georges MAUVOIS
Marcel MANVILLE
Daniel HONORE
Alain ANSELIN
Jacques COURSIL
Kréyolad 632

LA NI AN BIZNES KA FET

Jid
LA NI AN BIZNES KA FET

Adjilbè viré Matinik pas i té pati an vakans an Frans pou alé wè ti-yich li. Pannan i té laba-a, i pran tout kalté model transpò.

I batjé abò Bis, i pran pliziè model tren, Métro, RER, Tram, I monté abò avion, sel bagay I pa ni tan pran, sé bato-mouch anlè la Seine. Sa dé kalté gran pétrolet ka navidjé anlè flev-la. Zot menm ka wè sé pa transpò ki té mantjé. Ou ka la alé la ou lé, lè ou lé é délè menm, serten koté jik a inè’d maten.

Adjilbè té envité kay an konpè’y i pa té wè dépi tjek tan. Pannan yo té a tab, ni anlè misié mandé’y ki manniè transpòw la yé Matinik. Es sa toujou osi krabik? Pas i tann di ni an zafè TCSP. Adjilbè réponn épi an manniè bladjè:

— Sé an transpò abò an gran kar ki près kon sé bis an Frans-lan, mé ta Matinik la pi gran ki ta sé fransé-a. (Menmsi i pli piti pasé tram-la!)

Anfen i vanté bouyon transpò Matinik kon sé moun an Frans lan lè yo ka vini isi ek yo ka palé di Tati oben Métro. I jik pòté konparézonni pou di nouvo TCSP-a pou roulé an septanm.

Lè misié déviré, i bien konstaté ki sé siklis ka fè swé yo asou wout-la douvan Laéowopò-a. Pies fé pa ka limen, pli grav i ka sanm yo pa djè anvi limen non pli.

Adjilbè tann laradio an boug éti yo bay an ti-soudnon: «Djo ni’y a ja», asiparé misié té ké ni lajan dan an ja lò, mé i pa ka djè menyen’y. Misié fé gran plodari douvan an jounalis ki mandé’y «Saw ka di?»

I réponn komva i té ké kon an lokatè dan an kay. I lwé, (I pa ka di si I ja péyé) mé yo pa bay laklé-a. Kidonk I kon an chien adan an yol nef, I boudé kon an doubsis, I pé pa antré, é i pé pa fè pies loto woulé nonpli.

Lè misié di sa, Adjilbè konprann i té ka révé, mé a menm lè-a i tann Jan-Michel ki pa ka moli chanté an ti chanté: «La ni an biznes ka fet».

Antouléka sa Adjilbè konstaté sé sa ki pa ni loto ki toujou ka pran plis fè. Pas Matinik, si ou pa ni loto personnel ou, asiré ou brè luil é zafèw mélé kon sann é farin.

Adjilbè pozé kò’y an lo kèsion, ek I mandé:

— Es la CACEM lé kasé sa!

— Es la CTM lé kasé lo épi yo, pou limenm sa  prézidan Otorité transpò?

— Es Didié pa ka chaché an ti-ladjè, pas i pa ba lotorizasion pou moun garé alantou «Louis Achille» adan nouvo Lisé Chelchè-a?

Sel bagay mwen menm ka konstaté, asiré pa pétet, la ni an vié biznes ka fet.

Jid

Connexion utilisateur

CAPTCHA
Cette question sert à vérifier si vous êtes un visiteur humain afin d'éviter les soumissions automatisées spam.