Sa ka fè pasé 5 lanné ki Neg l'Afrik ka néyé pa grap adan lanmè Méditérané. Ki granmoun ki timanmay, ki nonm ki fanm.
Asiparé, za ni apochan 20.000 moun-mò ki ni pou senmitiè bel lanmè blé tala. Men, pétet chif-tala dwet pli wo ki sa ek dé sèten jounalis ka di sé pito 30.000. Sé Afritjen-tala ka sanfui di péyi-yo davwè la Fwans ek dot péyi éwopéyen ek méritjen ka volè riches-yo, ka espwaté yo san-manman épi konplosité sé politisien afritjen an. Kifè sel solision anlo adan yo ni sé chaché janbé dlo pou wè es yo pé trapé an lavi ki méyè atè l'Ewop.
Men l'Ewop pa lé yo pies toubannman !
Lè sé bato moun-vini afritjen an ka bòdé sé kot l'Ewop la, lamenm bato ladjè éwopéyen ka kouri-vini pou ripousé yo oben délè, koulé yo lè pa ni pèsonn ki pé wè yo. Kifè sé tou lé jou Neg l'Afrik ka mò nan lanmè Méditérané men sa ka kité lèmonn fwet. Pa ni pies kalté maifestasion pies koté pou sa dénonsé salopté-tala.
Il-é-vré, ki sé moun-vini tala pa Méritjen. Sé Afritjen yo yé...
Commentaires