Sé atè péyi l'End an moun fotografié ti gason maléré tala ki ka gadé ti kanmarad-li rantré adan an lékol. I pa ka menm gadé yo : i ka lonviyé yo kivédi i ka séré pou jété an zié asou ispektak-la. Sa sa lé di ? Sé ki abo i sé an ti mouskouyon, an tou piti tibolonm, i wont konstaté ki i pa ni rad, i pa ni soulié, i pa ni liv ek i pa ni sak pou sa ay asiz asou an ban lékol kon yo.
Sa ki pli fò adan foto-tala, sé ki nou pa ka wè fidji tibolonm-lan. Nou ka divinen fidji'y ! Pétet dlo ka dédjeldésann asou ponmfidfi'y, pétet lev-li ka flitijé, pétet i sé lé di sé ti kanmarad-li a an bagay. Nou pa fouti sav mé sa nou sav, sa nou ka divinen, sé ki tibolonm-tala adan an labimsolo kon moun lontan Matinik té ka di kivédi adan an détres ki san-manman.
Annou pa jen bliyé ki ni pasé 600 milion timanmay kon sa oliwon latè. Ki ka viv adan sé kalté kondision-tala. Timanmay l'End, l'Afrik, l'Anmérid di Sid, la Karayib, Péyi arab, l'Oséani kisasayésa...