Accueil
Aimé CESAIRE
Frantz FANON
Paulette NARDAL
René MENIL
Edouard GLISSANT
Suzanne CESAIRE
Jean BERNABE
Guy CABORT MASSON
Vincent PLACOLY
Derek WALCOTT
Price MARS
Jacques ROUMAIN
Guy TIROLIEN
Jacques-Stephen ALEXIS
Sonny RUPAIRE
Georges GRATIANT
Marie VIEUX-CHAUVET
Léon-Gontran DAMAS
Firmin ANTENOR
Edouard Jacques MAUNICK
Saint-John PERSE
Maximilien LAROCHE
Aude-Emmanuelle HOAREAU
Georges MAUVOIS
Marcel MANVILLE
Daniel HONORE
Alain ANSELIN
Jacques COURSIL

Antansyon bann rényoné sak zordi la fine pèrd l’R !

temoignages.re
Antansyon bann rényoné sak zordi la fine pèrd l’R !

Moin la fine ékri é pa arienk in foi, mi èm pa lé shoz i dévalèr anou. Moin la fine di osi tout bann z’ésprésyon avèk péi, mi port pa sa dann mon kèr. Konm la loi péi, l’ésportif péi, in l’invansyon péi - moin la mèm antann Dimitri Payet sé in Platini péi é moin la fine ékri tout lo mal mi pans dé sa. A si l’avé di sé in sipèr Platini, la moin n ora été fyèr mé sé pa sak la di.

Mardi moin té dann in manifèstasyon é in kamarad la fé romark amoin lo R konm rényoné l’apré pèrd térin, l’apré rokil aryèr alé oir pou li-konm pou moin - lo R i doi rann anou for. Moin la fine di : moin lé patriyot rényoné solman mi ronyé pa mon kalité d’sitoiyin fransé é moin lé sir kan lo kèr La Frans i sègn, la myène osi lé pou ségné… Sof si La Frans i amontr pa èl sou in bon zour-mi èm pa La Frans kolonyalis é sanm pou moin son l’antidote sé lo R dann Rényoné.

Mi èm pa non pli kan in pé i mète an avan z’ot doudousité, z’ot kolklorité, z’ot rényonèzté koush a tèr ; In bon rényoné, in rényoné konm mi èm, pou moins é in robèl k’i vann pa son am pou lo pla d’lantiy la fransité... An parlan mi sort lir lo liv dsi Paul Vergès é moin la trouv dann liv-la in onm bien rényoné pars li lé a-fon kont l’ésploitasyon. Sudèl Fuma lé mor é ala pou moin in bon rényoné pars li té l’énmi tout bann dominasyon nou la konète dann nout istoir.

Mi pé anparl d’ot ankor mé moin na poin tro la plas dann mon pti mo d’ékri mé avan sa mi vé mète nout nasyon an gard kont désèrtin rényoné, zordi, la fine pèrd l’R.

 

Source : http://www.temoignages.re/chroniques/ote/antansyon-bann-renyone-sak-zordi-la-fine-perd-l-r%2c86706

Connexion utilisateur

CAPTCHA
Cette question sert à vérifier si vous êtes un visiteur humain afin d'éviter les soumissions automatisées spam.

Pages