An model maladi ki gaté vayan, padan ki ven tan dèyè té pri, é ki douvan pa té sav ayen, Alzaymè ki non'y. I ka fè'w bliyé kimoun ou yé, ki laj ou, ki koté ou ka alé, ni menm si ou sé ni an koté ka rété. Maladi tala pa ka fè jé, sé lézott la nonpli, men i ka fè'w ped lonnè di sav ki, an jou, anba gran kwi siel la, ou té ni an ti lexistans. Ou ka vini kon an moun ki ka néglijé kò'y, men toutt pwoblenm lan sé ki ou pa okouran tousa.
Chandèl mó, chandilié doré pa ka kléré, é ou kon an zonbi, piss sèvo'w létjété. An jou konsa, ou ka ni asé épi kay la, é si pèsonn pa ka véyé’w, disparett ka anni rété, i ka chayé'w san pèsonn pa wè, ni koté ou alé, ni sa ki rivé'w, é soley ka kouché, kouché'y, men malè'w pa ka kouché, aloss ou ka ba'y driv san sav, konsidiré sé an nanfans ou déviré.
Ni moun ki asiré ki lafoss ou ka ladjé'w, lè ou vini vié. Pou yo, la viéyess, té ké an maladi, piss, ou pa ka rivé fè sa ou lé, kon ou té ké sé lé, anpliss. Aloss yo ka konfonn. Men Alzaymè ka frékanté toutt kalté, i ka malmennen jennmoun, i ka fè yo ped lakatt, i ka garé yo tou.
Ni granmoun ki pa Alzaymè pou otan, men yo lakay yo tousel, é pou pwotéjé kòyo, siyanka an mové kriz, oben tjek malkadi sé pran yo, yo ka ni an « télé assistance». Yo ka anni apiyé lamenm asou an bouton ki anlè yo, é yo ka pé sové lavi yo.
Nou sav ni sa yo ka kriyé braslé élektwonik jòdi, sé pou suiv vòlè toupatou éti yo sé yé. Poutji yo pé pa fè braslé (oben ba'y anlott non si zott lé), pou suiv moun Alzaymè ? Yo pa vòlè, nou dakò, men yo sé moun, menm si yo pa sav sa ankò. Yo mérité yo mété an bagay anlè yo pou ritwouvé yo, lè yo ped.
Bonmaten an, Alzaymè ay fè an misié pran chimen dan bwa, san sav. Pèsonn poko twouvé'y. Si i té ni an élektwonik anlè'y, yo té ké za konnett la i yé a.
Térèz Léotin