An nim ek an drapo pou Matinik, sé sa la CTM vréyé douvan dan an tiraj.

   An kout tonnè ek an gwo kout zéklè fet mardi 4 désanm koté inè. Jik an mwa avan ou trapé 97 karenm. 

   (Joj Eliktè Movwa chapé monté an péyi san chapo).

Kann béach Ernes-la viré koumansé boujonnen vandrdèdi, é lamenm lendi bonmaten sé BHNS-la viré koumansé woulé. Mé pou konmen tan?

Dènié moun éti ki fè Ladjè 14, (pou palé di an ladjè ki diré katran jik an 1918) ja pati an péyi san chapo. Eben sa ja ka fè an ti-moman Valanten pati épi an lenj an len dor. Sa ki pa sav sa sa yé sé, sé té dènié moun éti ki fè Ladjè 14 Matinik.

Woulo l’Aiglon, si isi-a Golden Lion pa rivé pasé, anba frédi-a sanmdi, sé jwè Lanmanten-an fè nou plézi.

Vandrèdi pasé tout Lagwadloup aprann an bel nouvel, mé tout moun ki enmen litérati ek sirtou Mariz KONDE té trè kontan. I genyen tiraj litérati 2018.

Dimanch pasé pa koté Chelchè, tout matinitjé sansib kont krab-la té vini ankourajé eksipòté an ti-bolonm wotè an bot jandam, mé ki ja gran an tet-li.

An ti-sosé vitman

Jédi pasé Prézidan Lafrans fè an ti-sosé vitman présé Matinik, avan i té pété’y asou Sen-Marten. Apré siklòn Irma, i té ponmet déviré pou inogiré Laprékti ek anlo lékol éti té ped fétay-yo.

Nou ni an flè yo ka kriyé chimen-kontra éti yo ka sèvi kont vè. Es la CTM simen kontra, siprimé kontra oben ba moun chimen-kontra?

Lasimenn pasé lékol fè larantré, pofésè ek zélev viré pran larel. Mé larantré pa té pou lékol selman. Man té di zot TCSP-a té fè ta’y tou, mé anboutéyaj ankò pli red a Saïgon.

Yonndé moun vréyé bon labou anlè radio ek lé rézososio. Asiparé yo atann Izaak pou ayen ek lamétéwo té ké manti. Ni sa ki bien faché pas Izaak té ké kouyonnen yo. Izaak té ké vréyé yo bèkalo.

Larantré toupatou

Lendi bonmaten tout zélev ek pofésè ripran larel. Menmsi ni an novté an laliwonnaj loto-a épi TCSP-a, anboutéyaj ki té kom moli épi vakans-la fè larantré’y tou.

An glisman tè fet asou lawout Lapwent sab-la, bagay pou fasilité anboutéyaj-la.

Vakans dit é lasimenn prochenn tout ti-bef ké konnet pitjet yo. Menmsi TCSP-a ka woulé, ou sé di anboutéyaj-la ka ripran larel pli red a Saïgon. Laéowopò plen moun ka déviré ka kwazé sa ka pati, kisiswa ansien vakansié oben nouvo étidjan.

Es nou koutja oben nou espéré trop?

Tout moun té ka atann lendi a wonzè pou yo té sa wè sé gran kar TCSP-a woulé épi moun abò.

Lafrans ni chanpion dimond-li an foutbol, mé Matinik nou ni chanpion dimond nou tou, an yol.

Ako té fè an blag pou di nouvo yol li a telman annaks, lè i déplasé’y la simenn pasé, té jik ni an tranblanntè.

Lasimenn pasé nou tann anlot son asou zafè TCSP-a. Asiparé yo ka préparé tiké, yo té ké fè sa ki fo pou i démaré lafen mwa dawou-a.

Toupandan Lafrans té ka genyen Lakoup dimond, Matinik sé ant sé Mikael-la sé té ka pasé.

Sanmdi pasé Béryl fè nou sonjé, sé tan siklòn ek fok rété véyatif. Yo annilé serten lafet palakoz mové tan-an. Jik kous siklin ka fè lantou Matinik, mantjé pa pati.