Accueil
Aimé CESAIRE
Frantz FANON
Paulette NARDAL
René MENIL
Edouard GLISSANT
Suzanne CESAIRE
Jean BERNABE
Guy CABORT MASSON
Vincent PLACOLY
Derek WALCOTT
Price MARS
Jacques ROUMAIN
Guy TIROLIEN
Jacques-Stephen ALEXIS
Sonny RUPAIRE
Georges GRATIANT
Marie VIEUX-CHAUVET
Léon-Gontran DAMAS
Firmin ANTENOR
Edouard Jacques MAUNICK
Saint-John PERSE
Maximilien LAROCHE
Aude-Emmanuelle HOAREAU
Georges MAUVOIS
Marcel MANVILLE
Daniel HONORE
Alain ANSELIN
Jacques COURSIL

Voté pou fè ki sa ?

Voté pou fè ki sa ?

{{Voté pou fè ki sa ?}}

{{ { Jean-Laurent Alcide} }}

Adan an simenn, éleksion prézidansiel fwansé kay woulé é tout moun ochan ki Matinik ki Gwadloup. Sa ka fè pliziè mwa ki nou batjé adan kanpay élektoral la, kon moun an Fwans, ka li jounal, ka gadé télé, ka dékatiyé sondaj, ka pwan pozision ba Ségo oben kont Ségo, ba Sarko oben kont Sarko, ba Bové oben okontrè ba Bayrou. Jik Le Pen ki ni moun-li adan péyi-nou abo yo té opozé misié atéri isiya. Pèsonn pa ka pozé kò’y sel kèsion-an ki mérité nou pozé a : voté pou fè ki sa ? Ki sa zafè ay mété an bilten adan bwet-lin fwansé a ké rapòté Matinik ?

Chak prézidan fwansé ki pasé toujou di i jaja « l’Outre-mer », i kontan Matinik ek Gwadloup, i kay pòté mannev pou dévlopman rékolonmik nou, tout kalté model bel bagay kon sa. Mé anfwa éleksion bout, bel pawol ka disparet. Kon ti pawol kréyol la ka di : bal fini, violon dan sak. Ki Pompidou kii Giscard ki Mitterand, ki Chirac, sé pa an tjou-patat yo pòté ba nou é rézon-an, sé ki nou pa pou atann asou pies kalté prézidan fwansé pou nou mofwazé sitiasion-nou. Sé nou yonn ki kapab fè péyi-nou pwan an lot larel, sòti adan vidé kannaval la éti I yé a dépi nanni-nannan an.

Mé, sa pa lé di fok rété bò kay-nou jou éleksion-tala. Votman sé an zouti ki pòtalan adan sa yo ka kriyé démokrasi ek fok nou pwan labitid ba opinion-nou asou divini sosiété-nou, menmsi nou plis ki sav ki politisien pé pa rézoud tout poblem ki ni. Kidonk, méyè bagay pou fè, sé ay dépozé an BILTEN BLAN adan bwet-lin la pou sa démontré sé Fwansé-a ki nou pa an bann tèbè ki yo pé anni vèglé épi dé-twa bel pwonmes. Davwè si nou rété asiz lakay-nou, yo ké kouri mété sa anlè kont « dézentéré » Antiyè ba lapolitik, anlè labstansion ki sé « un fléau aux Antilles » kon jounal-yo ni labitid ékri.

Awa ! Pep antiyé a pa ka dézentérésé kò’y di divini’y, i pa ka viv an manniè sanfouté akondi an mel anlè bwanch an piébwa. Si ou wè, i simié jik aprézan pa ay voté, sé davwè i dégouté bon kalté dégouté a. Mé, dapré mwen, méyè manniè montré dégoutans-nou, sé ay voté é mété an bilten blan andidan bwet-lin la. Kon sa nou ké fè yo sav ki nou okouran tout mannev é madrag yo ka pòté pou koninié tjenbé nou anba jouk. Chak bilten blan an ké ni yon sel sans : nou vé pa éleksion-zot ankò, nou pa ka sipòté dominasion zot ankò. Dominasion-tala ka woulé dépi 373 lanné ek, kon sa yé a, nou boufi épi sa.

Si zot wè, jou oswè primié touw-la, kantité bilten blan ka dépasé ki bilten pou kandida ki labstansion, dapré mwen, nou ké fè an bidim vansé asou chimen dinité-nou é libérasion mantal nou. Davwè, sé pa kapon nou kapon, sé pa pies pè nou pè viv anlè pwa kò-nou. Poblem-la sé ki yo mété an chay anlè tet-nou dépi etsétéra siek, pou krazé nou, ek nou pòkò sav ki manniè voltijé chay-tala nan razié.

Lè nou ka gadé léta jennes-nou, ni dikwa mété bon pléré atè. Pres yo tout pa ka angajé kò-yo ankò adan konba politik la. Yo pisimié jwé boul oben fè mizik davwè sistem-la apwann yo ki sé sel koté Neg kapab pèsé. Tout sé jenn-la lé vini Cyrille oben Thuram, konsidiré yo pa té ka wè ki sé dé boug-tala, sé anni 2 moun anpami dizenn milié Antiyé ki, yo, ka rété atè.

{{Manmay, an sel solision : BILTEN BLAN !}}

Connexion utilisateur

CAPTCHA
Cette question sert à vérifier si vous êtes un visiteur humain afin d'éviter les soumissions automatisées spam.