Tout sé jou-tala, ni kandida ka vini vizité nou Matinik aléviré chario. Lafen simenn pasé, sé té an kandida sosialis. Ni an militant ki fanatik telman, i kriyé’y: Ah mon Bènwa! nou ka soutniw a désan pou san!
Militant-tala té adan gran marché lédjim Fodfrans-lan. Asiparé, i jik fè misié gouté litjè bwa-bandé tou. Anfen sé sa man wè an télé-a, pas man pa té la.
Fok di sé sosialis-la pa djè douvan adan kous prézidansiel-la. Kidonk, yo ka chaché grapiyen vwa tout koté yo pé. Akondi pawol-la: «Sé grenn-diri ka plen sak!»
Sa pa té djè fò sanmdi pasé, pas anba kwi-a pa té plen kon lé organizatè té ka swété. Sa ki pou misié, di i té plen lanmwatié. Sa ki pa djè pou’y, di i pa té menm lanmwatié vid. Anfen adan tout bagay-tala, ou pé di sa bravman asiré i pa té plen oradjel. Menmsi yo té lé «Faire battre le cœur de la France» tjè Matinik pa djè soté. Anlo moun poko djè sav ki manniè krab-la ka dékalé. Yo poko asiré ba kimoun mwa prochen, yo ké glisé an bilten an bwet-lin an.
Mèkrèdi sé an madanm ki vini épi an gwo lenn. Asiparé sé an gwo lenn wayal! Yo té ké di’y sé jou-tala magré nou an karenm ka fè fret ek ni bon lapli. I fè an vizit flap flap an manniè vitman présé. Avan’y cho i tjuit. Es tousa ka fè nou pran ki fanm, ki nonm politik o sérié?
Sa man pres sèten, sé ki anlo ja di yo pé ké menm pran lapenn déplasé. Adjilbè telman dékourajé i di mwen «Bo tjou bouwo ou pandi, pa bo tjou bouwo ou pandi, alow………. Sé zot ki di’y!»
Es sa pé ké fè jé an moun ki pé fè nou lapenn?
Sé zot ka wè, mé ki zot lé ki zot pa lé, tala ki rivé douvan-an ké la pou senkan. E senkan pa senk jou!
Jid
«An éleksion san kotjen, sé an koubouyon san piman».
Photo: F.Palli