Dimanch pasé Adjilbè désidé mennen Maéva, ti-yich li ki vini an vakans, alé dékouvè an tranpaj.
Lè ti-anmay la wè pa té ni, ni fouchet ni tjuiyè, i di Adjilbè karekteman:
— Papa Doudou je n’ai plus faim!
Magré ti-katjopin la té ka tizonnen grannonm lan pou di i té fen. Sé ki manzel té sirtou anvi alé adan an manjé rapid, kontel Mac Donald oben KFC.
Erezdibonnè pou Adjilbè Wilfrid anlot ti-yich li pa gadé ni douvan ni dèyè, i ladjé kò’y an sa bravman. I manjé plen bouden’y.
Sé ki lè nou pa abitué ich nou wè sa ki ta nou, sa ka vini danjéré pou kilti a. E sé konsa tousa ki té ta nou, disparet ka pran’y.
Jou-tala pa koté Trinité yo té envité jan Sent-Lisi pou té prézanté an model manjé pres menm manniè a. Yo kriyé sa Dal puri. Lè Maéva tann zafè pouri-a, sa fini bay an dal pou’y kouri ankò plis. An moun ki ja si difisil koté manjé lè ou bay bannann fok tiré tjè-a. Lè yo di’y sé épi pen mouyé yo ka fè sa, sa fini dégouté’y net. Dapré manzel sé sa manjé Papa Doudou ka ba sé ti-poul li a.
Ni an konpè Adjilbè ki pa enmen fè lafet pies, misié té an tranpaj la tou. Mi sa i di:
— Si yo préparé an bagay konsa ba Joj, asiré i ka vini lamenm. Man pa sav si misié ni rézon, mé pétet fok pa mété’y an zatrap la Lalézad, pas yo ké tjébé kokodil la lamen. Sa ki pa anvi yo kolé bet la, es yo menm ké manjé tranpaj la?
Jid
* * *
"Ou ka fè ich ou pa ka fè santiman'y"