Accueil

Soudan : lespwa anni chalviré

Soudan : lespwa anni chalviré

   Tout moun té konpwann ki pep soudanè a té rivé kalpaté sé diktatè-a ki té ka mennen péyi-a dépi nanninannan, soutou met-a-manyok yo Omar EL-BECHIR.

  Sé ki pep-la té lévé-doubout, san fè pies kalté voukoum, san vréyé woch, san tiré zam déwò. Pep-la té doubout douvan Palé Nasional la pou sa mandé ki ladémokrasi ek lajistis té viré anchouké nan péyi-a. Malérezman, sé militè-a fè an jé malen : dabò-pou-yonn, yo maté gouvelman EL-BECHIR ek yo fèmen diktatè-a lakay-li ; apré, yo fè wol bokanté pawol épi sé manifestan-an ; épi, an finaldikont, yo anni fouté fizi an kò sé manifestan-an.
    Za ni pasé 500 moun ki ped lavi-yo, pasé 2.000 moun ki blésé, san menm palé di sa éti disparet pwan yo. San menm palé di kadav ki ka floté anlè dlo flev-la, Nil, ki ka travèsé kapital Soudan an kivédi Kartoum. An vakabonnajri san manman ! An solopté kon EL-BECHIR té ni labitid fè dépi 20 lanné ! Pli mové ankò : pliziè péyi arab kontel l'Ejip ek l'Arabi séoudit ka ba sé militè soudanè a an pal, an bidim pal, a nivo lajan épi zam.
    Pannan tan-an, djol l'Ewop ek lé Zéta-Zini fèmen di kon klou.
    Es sa lé di ki tout lespwa anni chalviré toubannman nan péyi Soudan ?...