Accueil
Aimé CESAIRE
Frantz FANON
Paulette NARDAL
René MENIL
Edouard GLISSANT
Suzanne CESAIRE
Jean BERNABE
Guy CABORT MASSON
Vincent PLACOLY
Derek WALCOTT
Price MARS
Jacques ROUMAIN
Guy TIROLIEN
Jacques-Stephen ALEXIS
Sonny RUPAIRE
Georges GRATIANT
Marie VIEUX-CHAUVET
Léon-Gontran DAMAS
Firmin ANTENOR
Edouard Jacques MAUNICK
Saint-John PERSE
Maximilien LAROCHE
Aude-Emmanuelle HOAREAU
Georges MAUVOIS
Marcel MANVILLE
Daniel HONORE
Alain ANSELIN
Jacques COURSIL
Kréyolad 635

SIMENN BLÉ

Jid
SIMENN BLÉ

Mwa oktob la sé dizièm mwan lanné-a ki ja pres dit, mé ou sé di sé mwa éti ni plis koulè.

Adan mwa-tala ni an simenn blé. Man pé di zot sé moun Ayiti-a sav sa vé di pas Matjou, apré i déplimen yonndé piébwa isi-a, asazinen yo ek fè yo wè an mizè blé pa dan lisid péyi-a. Yo rékolté van té ka fè pasé désansenkant tjilomet.

Mé sé simenn éti yo ka chonjé gran-moun an péyi nou. Asiparé komkidiré an 2030 nou ké péyi ké ni plis vié-kò. Savrè si pé ké ni moun ké pati laritret à swasanndizan? Si ni anlo gran-moun ki kontan pas yo ka chonjé yo, ni anlo ki bien anrajé é yo ka manifesté ek vréyé bon flanm. Man konnet an sendikalis, i pé pa maché ankò, mé lang li pa koupé. Mi sa man tann li di:

— Simenn blé, simenn blé! Zot ka fè wol ottjipé di nou mé tout lèrestan lanné-a zot pa menm sav si nou ka viv. Nou ni dlo, limiè, lenpo ka pété frisi mol nou, nou pa ka jwenn pèsonn pou ba nou an pal.

Sé jou-tala zot ka fè kon sé politisien nou-an lè yo an kanpàn, zot ka flaté nou mé apré zot ka disparet kon lafimen, zot pa menm sav si nou ka viv. Konmen ki laritret épi ka wè an mizè blé, zot pa ka wè sa!

Man pé di zot, lè misié té ka di sa i pa té blé, mé wouj kon piman é i té anrajé telman, sé dlo yo vréyé anlè’y pou konjésion pa té pran’y. Sirtou misié té fini pèd madanm-li sa té ka fè dé mwa i pati épi ti-krab la. Lè i tann yo ka palé di Oktob wòz man pé di zot i pa té ka wè lavi an wòz pies toubannman.
Adjilbè ki toujou la pou mété grenn sel li, mi sa man tann li di :

Man konnet an konpè mwen ki ni labitid alé anlè Bondakabrit la. I wè fok té mété pòtré’y adan an vwal wòz pou soutni fanm ki trapé ti-krab ek ki ka goumen pou viv. Misié di i pa ka mété pòtré’y pas i ja chansé kon kochon lavèy nwel, i pa lé trouvé’y kon Lisien. An konpè’y ki trapé ti-krab la an tété. Kidonk sé pa fanm selman sa ka rivé.

Misié di an bèn :

— Man pé ké mété pòtré mwen asou ni Facebook, ni Bondakabrit, ni pies koté pas man pa enmen fè foto, man pa foto ijiénik.

Manmay man pa lé ba pèsonn konsèy pas misié mò Senpiè, mé zot pé soutni «Lalig kont kansè» pas yo ka fè an travay ki plis ki potalan ba sé malad-la.

Jid

* * *

Connexion utilisateur

CAPTCHA
Cette question sert à vérifier si vous êtes un visiteur humain afin d'éviter les soumissions automatisées spam.