{{{Bawo finet lajol-la ka pézé lou anlè chaj solitid-mwen
Soley apré soley, lalin apré lalin, jou apré jou,
Bawo linet two épé ka baré zié lajistis
Soley apré soley, lalin apré lalin, jou apré jou.
{{{}}}
{{{Twa ti zwézo fou-fou pran kozé épi mwen
Pou détounen van lapenn adan tjè-mwen,
Soley apré soley, lalin apré lalin, jou apré jou.
}}}
{{{}}}
{{{Man kozé telman kozé épi sé ti zwézo-a
Man fini pa tounen zwézo
Ek sé volé man yen ka volé adan tet-mwen
Soley apré soley, lalin apré lalin, jou apré jou.}}}
{{{}}}
{{{Bawo finet lajol-la fini pa ployé anba chaj tan
Bawo linet lenjistis-la fini pa tonbé an débielman,
Twa ti zwézo fou-fou a fini pa niché adan tet-mwen
Ek sé yen ki volé nou ka volé,
Soley apré soley, lalin apré lalin, jou apré jou !}}}
{{{ ERIC PEZO}}} }}}