Accueil
Aimé CESAIRE
Frantz FANON
Paulette NARDAL
René MENIL
Edouard GLISSANT
Suzanne CESAIRE
Jean BERNABE
Guy CABORT MASSON
Vincent PLACOLY
Derek WALCOTT
Price MARS
Jacques ROUMAIN
Guy TIROLIEN
Jacques-Stephen ALEXIS
Sonny RUPAIRE
Georges GRATIANT
Marie VIEUX-CHAUVET
Léon-Gontran DAMAS
Firmin ANTENOR
Edouard Jacques MAUNICK
Saint-John PERSE
Maximilien LAROCHE
Aude-Emmanuelle HOAREAU
Georges MAUVOIS
Marcel MANVILLE
Daniel HONORE
Alain ANSELIN
Jacques COURSIL

Ni jes pou pa fè pies lè ou wè ou sé yich lestravay

   Ki sa sé gran espowtif neg la ni adan kabech-yo ? Kaka bef ? Kaka bouji ? Dlo koko ? Sa vré pa djè ni anlo adan yo ki ay lwen lékol ek pies yonn pa ay linivèsité, mé kanmenm ou pa bouzwen gran-grek pou sav ki ni sèten bagay, ni model jes ou pa andwa fè pies toubannman lè ou vwè ou sé yich lestravay. Sé ki ou pa ka anni fasé listwè an manniè flouz kon an met-lékol ka fasé an tablo. Ki nou lé ki nou pa lé, twa siek-la éti yo mété gangan-nou an chenn lan ek anba jouk la kité yonn-dé vié mak ki adan lespri-nou toujou, men ki adan lespri sé Blan-an tou.

   Ni yonn-dé pawol ("Négro" kisasayésa...), yonn-dé atitid (an Blan ka kalé djel-li lè i ka wè an Neg antré adan an restoran oben an lotobis kisasayésa...), yonn-dé jes (an Blan ka ba an Neg an kou pié nan bonda kissayésa...) ki blijé konyen nou konsidiré sé té an bidim tjok yo té ka ba nou. Poutji ? Sé davwè an tan lestravay, sé pawol, sé atitid ek sé jes-tala té ka chayé an lidé méprizasion ba Neg. Kivédi yo ka chayé an vé-di ki négatif toujou abo sa ka fè pasé yon siek é dimi lestravay touvé i aboli. Sé poutji lè jòdi-jou, an Blan ka viré di sé kalté pawol-tala, viré ni sé atitid-tala oben viré fè sé jes-tala, fok nou pengad. Fok nou véyatif. 
   Men Neg tou, ni pawol, atitid ek jes yo éritié di lépok lestravay ek yo ka kontinié mété déwò. Sé pa Blan-an li yonn ki pou mofwazé konpowtasion'y. Neg-la pou fè'y menm manniè-a. Kontel lè nou ka wè Teddy RINER, chanpion jido gwadloupéyen an, bo douvan tout moun pié antrénè fwansé'y la, menmsi sé an jes rikonésans ki la, jes-tala ni an lot vé-di ki si zot wè RINER té an Blan. Si Riner té an Blan, jes-tala pa té ké ni dot vé-di ki ta an espowtif ki ka di antrénè'y mèsi anpil. Mé Riner pa an Blan. Menm manniè, adan match foutbol Lakoup l'Ewop la, ant létjip la Fwans ek ta l'Irlann, lè GRIEZMAN matjé an bi, PAYET, an jwè neg, kouri bo soulié'y tou. Si i té varé GRIEZMAN kon tout foutbalè ni labitid fè, si i té bo'y, tonbé anlè'y atè-a kisasayésa..., pa té ké ni pies tjak, mé bo soulié GRIEZMAN, AWA, i pa fet menm !
   Fok sé jwè ek sé espowtif neg la sav an ti bagay : toulitan rasiz-la pé ké disparet, toulitan i pé ké pwan lavol, jes kon yo ka fè a blijé ramennen nou an ariè. Sa ki grav sé ki sé jwè ek espowtif-tala ni an gran responsabilité pa rapot a jennes-nou ki ka admiré yo, ki lé vini kon yo. Kifè olié yo pèmet jennes-nou pwan fos, ay pli douvan, genyen konfians andidan kò'y, okontrè yo ka ralé'y dèyè. Fok pa yo viré fè sé kalté model jes-tala pies kalté jou ankò !...
 
Vokabilè :
 
Abo : malgré ; bien que.
Kabech : tête.
Flouz : facile.
Gangan : ancêtre. 
Gran-grek : intellectuel.
Konpowtasion : comportement. 
Lestravay : esclavage. 
Mofwazé : transformer.
Tjak : problème.
Tjok : coup de poing.
Varé : prendre dans ses bras.
Vé-di : sens.
Véyatif : vigilant.

Connexion utilisateur

CAPTCHA
Cette question sert à vérifier si vous êtes un visiteur humain afin d'éviter les soumissions automatisées spam.

Pages