Accueil
Aimé CESAIRE
Frantz FANON
Paulette NARDAL
René MENIL
Edouard GLISSANT
Suzanne CESAIRE
Jean BERNABE
Guy CABORT MASSON
Vincent PLACOLY
Derek WALCOTT
Price MARS
Jacques ROUMAIN
Guy TIROLIEN
Jacques-Stephen ALEXIS
Sonny RUPAIRE
Georges GRATIANT
Marie VIEUX-CHAUVET
Léon-Gontran DAMAS
Firmin ANTENOR
Edouard Jacques MAUNICK
Saint-John PERSE
Maximilien LAROCHE
Aude-Emmanuelle HOAREAU
Georges MAUVOIS
Marcel MANVILLE
Daniel HONORE
Alain ANSELIN
Jacques COURSIL

LAPLI-A VIRÉ-KOUMANSÉ FÈ ZWEL-SÉRÉ ÉPI NOU !

Chabine Lamontay
LAPLI-A VIRÉ-KOUMANSÉ FÈ ZWEL-SÉRÉ ÉPI NOU !

  Yè bonmaten, lè man lévé, man ouvè sé finet lakay-mwen an kon dabitid pou kité soley-la ek van-an dousiné lapo-mwen.

   Men, man soté pas an bon ti fréchè man pa té santi dépi lontan rantré padavwè anpil lapli té tonbé pannan lannuit-lan. Sé flè-mwen an té kontan ek sé piébra-mwen an té ka jété gout-dlo anmizi-anmizi.

   Kifè, man chonjé tout sé koté-a ki pran fè a anba karenm-lan lanné-tala ek man di kò-mwen sé an bénédision ba Matinik pas sitiasion-an té ka vini an manniè rachmabab. Dènié koté-a man té wè a ki té bizwen lapli-a, sé té pa koté Tatann pas man pa té janmen wè bò lawout-la sek kon sa. Kivédi, lè ou té ka gadé anlè ladwet, tjè'w té ka fann, pas sé tè agrikol la ek sé ti ma-a pa té pé tjenbé ankò épi sé zannimo-a té ka soufè anpil.

   Kidonk, avan man monté adan ti boutik kartié-a pou fè konmision-mwen an, man mété sé rad-la man té fini lavé a sek dewò-a anlè lin-an. Man pa pran parapli oben chapo bakwa-mwen davwè man pa dòmi-révé lapli-a té key viré-koumansé tonbé pannan lajounen-an.

   Men, lè man té ka viré-desann, an lapli koumansé fifinen anlè tet-mwen ek man pa otjipé di'y. An minit apré, an gwo lapli-a sòti la i sòti a ek i anni anrajé anlè tet-mwen toubannman. I anmizé kò'y mouyé tout kò-mwen épi tout sa man té fini achté-a. Soulié-a jis pété an pié-mwen ek man mantjé palantjé pa tet. Lè man rivé lakay-mwen, tout sé rad-la man té fini mété anlè lin-an té viré-mouyé anchay.

   Malè ba-mwen ankò, lè man alé an chanm-mwen an, i té ni dlo toupatou pas sé finet-la té rété ouvè. I té ni dlo atè-a, anlè kabann-an, anlè sé liv-la, anlè biwo-a ek anlè owdinatè-a

   Atjèman, manmay, fok nou key ripran labitid fenmen finet pas lapli-a key viré-koumansé fè zwel-séré épi nou. Anplis, fok man key alé achté an lot owdinatè pas asirépapétet tala pran dlo ek i pa key maché pies jou ankò: "Krakrakra".

Connexion utilisateur

CAPTCHA
Cette question sert à vérifier si vous êtes un visiteur humain afin d'éviter les soumissions automatisées spam.

Pages