Yan kalté manman gwo difé té ka ravajé péyi-a
Zannimo té ozabwa
An pati adan yo té ka chaché
Eti yo té pé mété kò-yo alabri
Dot té simié rété olwen ka gadé
Kantapou Koulibri, i pòté mannev
I ay chaché dlo vitman épi bek-li
Dan an ma pa two lwen
Ek i pa té ka rété fè alévini
Gouti lévé faché :
- Koulibri oH !
Ou pa las alévini konsa
Ou ka boufi nou épi sa
Sa pa ka sèvi ayen
Simié ou alé chaché an koté, pou séré kò’w
Sispann terbolizé nou !
Mé Koulibri pa menm pran wotè’y
I kontinié fè zafè’y.
Malfini ki zibié tou, palé ba Koulibri :
- Koulibri, ou mèyè ped lakat
Ou fou an mitan tet
Ou pa ka wè ou pé ké sa étenn
Kalté gwo difé-tala wou tousel !
Koulibri pran jiskont an tizizing tan pou réponn-li :
- Man konnet tousa ou ka di la-a
Mé ou pé ké opozé mwen
Fè sa man pou fè !
Epi i kontinié fè pa ta’y !