Yè, mi sa an granmadanm mandé mwen : "Ki tan ti séri mwen-an key viré latélé ?".
Fok di ki i ka viv li-yonn ek, tou léswè, dépi pliziè lanné, i té ni labitid gadé sa i batizé : "Sé moun mwen-an". Lè i ka palé di sé aktè seri'y la, man toujou ka wè i ni anlo lanmou anlè fidji'y pas tjè'y kontan.
Kidonk i pran labitid gadé yo ek i konnet lavi-yo anlè bout dwet-li, si bien ki délè, lè mwen ka monté wè'y, i ka di mwen :"Ou sav, Edouardo pa bon ! Sé an séléra ! I volè lajan loutripriz papa'y la, épi i fè tout moun kwè sé Armando ki fè sa davwè i pa sa wè tet-li pou lapéti Ivana ! Man ka di'w sa, i key trapé bon malédision ! Kisasayésa...
I ka palé di yo konsidiré sé té dé moun fanmi'y li oben dé moun i konnet dépi anchay tan. Kidonk, i ka pansé man sav di ki moun i ka palé mwen an. Men, pou man pa fey lapenn, man ka anni fè konsidiré man té konnet yo tou, abò man pa janmen tann palé di yo oben wè yo latélé.
Sa ka montré nou a ki pwen anlo granmoun dot trapé gwo-tjè dépi yonndétan padavwè yo pa té pé gadé sa yo enmen ek ni labitid gadé latélé ankò . Kivedi i ni ki enmen foutbol, men foutbol arété. I ni ki enmen kous békann, men kous békann arété.
Sa red ba yo, men fok yo konprann ki zafè kovid-19 la anni koré tout bagay oliwon latè kontel ispò, ispektak oben siléma. Anfinadikont, fok sé responsab sé ispowtif-la, sé chantè-a ek sé aktè-a poté mannev pou tout sé moun an ki ka djoubaké adan sé sektè-tala pa trapé pies maladi tou.
Sé pou sa man tann di ki yo key pran anchay pokosion épi yo kivedi pwogram key ripati latélé anmizi-anmizi.
Man key alé poté bon nov-tala ba gramandanm-lan ki pozé mwen kèsion-an, men fok i key atann titak ankò pou i pé sa wè ti séri'y la latelé kon avan.