Accueil
Aimé CESAIRE
Frantz FANON
Paulette NARDAL
René MENIL
Edouard GLISSANT
Suzanne CESAIRE
Jean BERNABE
Guy CABORT MASSON
Vincent PLACOLY
Derek WALCOTT
Price MARS
Jacques ROUMAIN
Guy TIROLIEN
Jacques-Stephen ALEXIS
Sonny RUPAIRE
Georges GRATIANT
Marie VIEUX-CHAUVET
Léon-Gontran DAMAS
Firmin ANTENOR
Edouard Jacques MAUNICK
Saint-John PERSE
Maximilien LAROCHE
Aude-Emmanuelle HOAREAU
Georges MAUVOIS
Marcel MANVILLE
Daniel HONORE
Alain ANSELIN
Jacques COURSIL

Ki sa yo ka sèvi nou ?

Ki sa yo ka sèvi nou ?

   Adan an artik ki paret lot jou-a anlè nich-twel li a, CCN (CARIBCREOLENEWS), jounalis gwadloupéyen an Danik ZANDRONIS té ka pozé an keksion ki pòtalan asou sé Jé Olempik la ki ka woulè atè Brézil la : ki sa sé atlet gwadloupéyen an ka sèvi la Gwadloup ? Nou té ké pé pozé ekzaktiman menm keksion-an pou Matnik. Pou-di-vré, sé espowtif-tala, ki ni anchay talan__pèsonn pé key dérikonnet sa__, ki kadjoubaké red pou yo pé sa rivé a nivo-a éti yo yé a, sé drapo la Fwans yo ka pòté, sé méday ba la Fwans yo ka ramennen. Sé pa ba ni Gwadloup ni Matnik !

   Sa vré ki Gwadloup ek Matinik anba lopsion la Fwans é ki Komité Olempik Toutwonlatè pa ka rikonnet nou kon dé péyi, kifè atlet-nou blijé partisipé anba drapo fwansé a. Sé pa sa nou pé ripwoché sé atlet-nou an ! Sa nou andwa ripwoché yo, sé ki yo pa ka janmen pwan pozision anlè pies kalté poblem ki ni adan sé péyi-nou an. Bouch-yo koud red-é-dri ek, pi mové ankò, lè zot wè yo ka ba lidé-yo asou an bagay, sé toujou pou batjé adan larel fwansé a. Sé pa janmen pou dékrinen sistenm kolonial fwansé a ki ka woulé adan sé péyi nou an dépi pasé 3 siek. 
   Moun ké di si yo wouvè bouch-yo two fò, Fédérasion Espow Fwansé a pé ké séleksionnen yo. Men nou plis ki sav sa pa vré davwè la Fwans bizwen méday, la Fwans bizwen genyen match. Tout péyi asou latè bizwen sa ek sé poutji nou ka wè dé sèten adan yo kontel Tirki oben Kataw ka natiralizé alé-pou-viré atlet ki pa natif-natal péyi-yo. Jis ni an Matinitjez ki chanpion jido ki pwan nasionalité tirk la ek ki kay goumen adan sé Jé Olempik Brézil la la la Tirki !
   Dayè, lè nou ka fè an siparézon ant atlet antiyé-fwansé épi atlet neg-méritjen, nou ka rimatjé lamenm an bidim diférans : sé Méritjen-an sé espowtif ki ni an konsians politik, antouléka laplipa adan yo, ek tout moun ka chonjé sé kourè-a ki té mété an gan nwè lè yo té monté anlè podiom-la adan Jé Olenpik Meksiko a nan lanné 1968 la. Nou pa janmen wè an atlet antiyé-fwansé pwan pozision asou pies poblem ka konsèné sé péyi-nou an ni dénonsé pies kalté model salopté kolonialis ki ka woulé lakay nou. 
   Kidonk nou blijé pozé nou menm keksion Danik ZANDRONIS la : ki sa sé moun-tala ka sèvi nou ?...
 
Bwet-a-mo :
 
Alé-pou-viré : à tour de bras.
Bidim : énorme.
Dékrinen : critiquer.
Dérikonnet : méconnaître.
Djoubaké : travailler dur.
Lopsion : domination.
Nich-twel : site-web.
Toutwonlatè : international.
Pòtalan : important.
Red-é-dri : hermétiquement.
Siparézon : comparaison.

Connexion utilisateur

CAPTCHA
Cette question sert à vérifier si vous êtes un visiteur humain afin d'éviter les soumissions automatisées spam.

Pages