Sé jòdi-a, dimanch 1é oktob, gouvelman otonom Kataloy pou òganizé référandom-la asou lendépandans-li. Nou ka chonjé ki lasimenn pasé, sé manblo (policier/police officer) pangnol la, yo ka kriyé La Guardia civil, té za débatjé adan dives ministè Kataloy pou té sa aresté moun ek 13 minis adan sé moun-tala. Adan menm balan-an, yo té pongné (saisir/to seize) 6 million bilten votman pou sa opozé éleksion-an tjenbé kò'y. Sé konsidiré diktati an tan jénéral FRANCO té anni viré-paret toubannman ! Pies péyi l'Ewop pa di ayen asou vakabonnajri-tala ek djol met-a-manyok-yo (président) rété koud.
Abo (malgré/although) gouvelman pangnol la fè tou sa, gouvelman katalan an désidé mentienn référandom-la jòdi-a ek moun koumansé voté dépi 6 zè-d-maten, men lamenm, sé manblo pangnol la riparet ek yo koumansé simen boutou(matraque/nightstick) ek grinad ka fè zié pléré alé-pou-viré anlè sé latjé élektè-a. Yo antré adan sé biwo votman-an, yo sézi sébwet-lin la (urne/ballot box) ek yo chiré sé bilten nef la gouvelman Kataloy la té viré fè a. Si zot wè adan an péyi moun ki blan ek niopen (européen/european) kon yo menm yo ka fè tan aji kon sa, ajijéwè adan péyi Neg oben Arab !
L'Ewop toujou lé ba tout pep asou latè gran lison démokrasi, men ekzanp Kataloy la ka montré nou ki sa ? Ki sé anni(seulement/only) bel pawol ki la, pawol ki flo (vide/empty) ek lè lentéré-yo oben sa yo ka konsivwè kon lentéré-yo an danjé, yo pa ka kalanjé (hésiter/to hesitate) pou itilizé zam pou sa enpozé politik-yo. Kataloy, sé réjion ki pi rich adan tout sé réjion l'Espay la ek i ni dwa chwézi pwop chimen'y. Si i lé kaskod (rompre/to break up) épi l'Espay, sé dwa'y ! Pèsonn pa andwa chaché koubaré (bloquer/to obstruct) volonté'y !...
