Accueil
Aimé CESAIRE
Frantz FANON
Paulette NARDAL
René MENIL
Edouard GLISSANT
Suzanne CESAIRE
Jean BERNABE
Guy CABORT MASSON
Vincent PLACOLY
Derek WALCOTT
Price MARS
Jacques ROUMAIN
Guy TIROLIEN
Jacques-Stephen ALEXIS
Sonny RUPAIRE
Georges GRATIANT
Marie VIEUX-CHAUVET
Léon-Gontran DAMAS
Firmin ANTENOR
Edouard Jacques MAUNICK
Saint-John PERSE
Maximilien LAROCHE
Aude-Emmanuelle HOAREAU
Georges MAUVOIS
Marcel MANVILLE
Daniel HONORE
Alain ANSELIN
Jacques COURSIL

Jou-a éti manblo fwansé voltijé Aljérien adan La-Sèn

Jou-a éti manblo fwansé voltijé Aljérien adan La-Sèn

  Sa fet lè 17 oktob 1961, nan bonmitan lavil Pari. A lè-tala, ladjè l'Aljéri té pres bout ek Fwansé té ka négosié épi sé nasionalis aljérien an (FLN). 

 Sa pou sav, dabò-pou-yonn, sé ki té za ni etsétéra travayè imigré aljérien ka djoubaké an Fwans nan lépok-tala kivédi lanné ek lanné avan péyi-yo té trapé lendépandans-li. Sé ki, apré 2è ladjè toutwonlatè a (1939-45), la Fwans té an chinpontong ek i té bizwen viré-konstwi kò'y. Kifè, i mennen-vini moun lé Zantiy, moun l'Afrik nwè, moun Magreb pou sa ba'y an pal. Antiyez té sa sèvi bòn ba gwotjap parizien ek Antiyè té ka woulé nan lizin oben chantié batiman. Kantapou Afritjen ek Arab, sé sé travay pli red la, pli danjéré a yo té ka ba yo : ranmasé zòdi, konstwi totwè ek lawout épi marto-pikè, konstwi bidim HLM ki ni konmen létaj kisasayésa...
  Kidonk, okontrè di sa twop moun ka kwè, sé pa apré lendépandans, Neg épi Arab débatjé an Fwans pou travay. Piespa !
  Anlo adan sé travayè aljérien an té dakò épi FLN, té lé ki péyi-yo té vini met kò'y ek sòti anba jouk sé Fwansé-a. Kifè, sa té ka rivé yo manifesté nan lari pou mandé la Fwans sispann ladjè isalop la i té ka mennen an kont pep-yo a. Préfé polis Pari, Maurice Papon pa ped tan pou mété an milié adan sa : i pwan dézision entèdi Aljérien sòti déwò lannuit. Désizion-tala, i pwan'y épi akò Primié Minis fwansé a, Michel Debré ek ta prézidan fwansé a, jénéral De Gaulle. Men, sé travayè imigré aljérien an rifizé bésé tet ek yo kontinié manifesté kon yo té ni labitid fè a. Sa fè, lè 17 oktob 1961, manblo fwansé fiziyé 200 adan yo ek voltijé yo adan flev-la ki ka travèsé lavil Pari a kivédi La-Sèn !
  Sé jou landimen-an, moun koumansé wè bon enpé kadav ka floté anlè flev-la...

Connexion utilisateur

CAPTCHA
Cette question sert à vérifier si vous êtes un visiteur humain afin d'éviter les soumissions automatisées spam.