Prézidan Macron té prévwè adan pwogram li, fini épi l 'ISF, fini épi taks labitasion, fini épi tout nich fiskal. Dépi i pran fonksion'y, sé asou sa i bat. Pou mété bidjè'y alékilib, i ògmanté CSG, wosé taks lésans, rédui asou alokasion lojman, fini épi abatman 30% lenpo adan lé DOM, san menyen pou lè, majorasion 40% salè sé fonksionnè a. Men tout moun sav, sa ké fini pa rivé, i za di san séré, pwoblem lavi chè lakay nou, sé majorasion 40% taa, sé an lavantaj ké disparet an jou.
chè lakay nou, sé majorasion 40% taa, sé an lavantaj ké disparet an jou.
Tout moun ka santi yo pri an sa. I pran an désizion ka soulajé lé pli gwo épi ka krazé lé pli piti, soutou lé ti ritrété ka pran plis fè ki tout moun. Épi, konsi sa pa té sifi, mi anvwala, pou bien pijé nou, i désidé wosé taks lésans lan. Jik jòdi tout bagay-li té pasé bel. Ouvriyé SNCF ki té ped sèten avantaj, fè gwo dézod épi yo ka filé dous atjelman. Men lè i désidé touché pri lésans-lan, sé tout moun i touché pas tout moun ni loto, é an loto, sa sakré. Konsékans tousa, jilé jòn mété difé épi yo pòkò paré pou tjwé'y.
Poutan tout sé désizion taa té ni rézon yo dapré'y:
Tout sé désizion taa fè anlo moun lévé mouch wouj, menm lé Mè ki voyé pié kisiswa bò yo yé.
Dézod-la koumansé palakoz taks lésans-lan yo té prévwè wosé. Sé an ti moun bò kay nou, é pitet menm bò kay mwen pis ni an lafanmi Ludosky ka rété La Trinté an menm lari ki mwen. Sé li ki lansé mouvman an. Lè sé jilé jòn la wè moun ki dèyè yo, apré lésans, yo mandé lògmantasion pouvwa dacha, épi atjelman sé Macron yo lé ki foutémwalikan. Tout moun ni an bagay pou ripwoché'y, tout moun ni an bagay pou mandé'y. I pa sav kisa pou fè. An boug man té konprann i té kon an kapolad, i pa té ka tjilé, pou prèmié fwa man wè'y bat ariè. Menm si, épi létjip-li, i toujou « en marche », men i an mach ariè. Malérezman two ta, sé « jilé jòn » la sé yo ki vini kapolad, yo pa ka tjilé. Tou lé sanmdi yo laponmlad asou lé « Champs Elysées ». Kisiswa sa i pé pwopozé, toujou ni jilé jòn ki pa dakò.
Yo sé di atjelman yo ka mandé tout bagay ek nenpotkisa. Man tann sèten mandé fini épi «loi Taubira », dot mandé yo fini épi zafè « mariage pour tous », dot ka chèché an manniè pou fini toubannman épi ras jwif la, épi anpil dot bagay.
Asou manniè sa ka alé la a, man ni lidé lélékou-taa pòkò paré pou fini. Konsi sé moun-lan ka pran plézi chak sanmdi ritouvé yo kon pou an match foot-ball, an lari Paris ka ponmlen bra nan bra, ka goumen épi polisié, ka voyé pavé, ka pran lakrimojèn, ka pran dlo, ka pran boutou ansanm. Sa ka sanm yo enmen sa, ou ka santi yo jwa.
Man ni lidé Macron pòkò fini ni pwoblem.