Accueil
Aimé CESAIRE
Frantz FANON
Paulette NARDAL
René MENIL
Edouard GLISSANT
Suzanne CESAIRE
Jean BERNABE
Guy CABORT MASSON
Vincent PLACOLY
Derek WALCOTT
Price MARS
Jacques ROUMAIN
Guy TIROLIEN
Jacques-Stephen ALEXIS
Sonny RUPAIRE
Georges GRATIANT
Marie VIEUX-CHAUVET
Léon-Gontran DAMAS
Firmin ANTENOR
Edouard Jacques MAUNICK
Saint-John PERSE
Maximilien LAROCHE
Aude-Emmanuelle HOAREAU
Georges MAUVOIS
Marcel MANVILLE
Daniel HONORE
Alain ANSELIN
Jacques COURSIL
Kréyolad 560

GRAN CHAWA

Jid
GRAN CHAWA

Lanné-tala ni an asosiasion ki désidé viré mété char an lari Foyal. Asosiasion an di ba pliziè moun ki té kwè an serten jénes té fini épi zafè kannaval-la char la net.

Mé sé moun-tala di:

– Mi nou la!

Akondi chanté Jan-Filip la. Sa yo pa sav la, oben sa yo bliyé sé ki toujou ni an djab a tjwé é Matinik sirtou pandan kannaval ni anlo «regardan». Yo pa ka fè ayen, mé yo ka opozé dot ki lé fè fè. Sé kondisiré chien-an, i pa lé bannann mé i pa lé poul pran’y. Akondi lot-la: yo toujou la!

Lé «regardan» mandé poukisa yo ka péyé orkes pofésionel kontel Kassav épi Gi Vadlé? Poutji, kom sé kannaval, yo pa ka jwé pou ayen?

Sé ki lé «regardan» poko lé konprann mizik sé an travay ek akondi Kali, «ou ka pa ka jwenn mizik asou tab marché, si ou lé mizik fok ou péyé’y

Sa vré pandan kannaval, ou sé di pito bri ou ka tann épi sé group-la blogodo, blogodo. Ou sé di yo bliyé zafé chanté-a. Lé «regardan» ka mandé poutji yo pa ka péyé sé group la tou?

Akondi pawol la, yo ka mété anbians tou!

Sa man ka mandé aprézan, si sé té Beyoncé oben Jimmy Cliff ki té la, es nou té ké mandé yo jwé pou ayen?

Antouléka ni an Gran chawa ki pou fet mardi-gra ek mèkrédi-lésann épi dé orkes pofésionel anlè an gran char. Es moun ké viré désann pou gadé oben pou kouri vidé?

Sel bagay man sav, sé ki tout moun ka atann vaval 2015 kon tè sek an tan karenm. Jistiman, lè nou ka gadé lanati sé jou-tala pa koté Karbé oben Voklen, tout zeb ja brilé. Asiré si sé plantè kann-an dan yo ka fè sik, pas larékot la ké entérésan solèy la ka rann kann an pli dou.

Manmay kannaval la pati,  mé twa jénes ja pran fè anlè lawout, asiparé yo té ka woulé san kas. Alow pas yo di «lapo kochon sé Manman Félisité» pengad, sirtou épi nouvo labiè «Yé Man» la, pa pati adan pies Gran chawa pou zot pa sav la zot yé.

Jid

* * *

Bel poveb kréyol 323

Lanmè bel navidjé, mé «Si man té sav toujou dèyè».

Photo Laurent Vielet.

Connexion utilisateur

CAPTCHA
Cette question sert à vérifier si vous êtes un visiteur humain afin d'éviter les soumissions automatisées spam.

Pages