Bénézwel doubout dwet-pitjet toujou abo Méritjen las ka minasé'y.
Pep-la gloriyé ansien metamanyok péyi-a kivédi Hugo CHAVEZ ki té vréyé douvan sa i té kriyé "Révolision Bolivarièn" la. An tilili moun désann nan lari, toupatou, soutou adan sé gran vil-la kontel Karakas pou fè sav ki yo enmen'y toujou ek ki yo ka défann tou sa i fè ba yo. Moun ! Moun ! Moun ! Toupatou. Mi bel lison, mi bel kalot, pou sé bwabwa-a ki ka chaché kalpaté nouvo metamanyok Bénézwel, Nicolas MADURO, an nonm ki pa an grangrek pis i té chofè lotobis, men ki sav ki manniè pou gidonnen péyi'y abo ni anchay difikilté, anchay koraj, anlè chimen'y.
Sé an lison tou ba misié Donald TRUMP ek lo madrag-la i ka fè a pou wè es i pé mété nan tet Bénézwel an prézidan ki té ké anba lopsion'y ek, soutou, ki té ké pèmet lé Zéta-Zini gloubap pétwol bénéziélien an. Davwè sé sa, sé anni sa, ki dèyè lo bel pawol-li a ek sé lézot péyi oksidantal la lè zot wè yo ka jakoté asou "démokrasi sisi, démokrasi sila". Sé riches Bénézwel yo bizwen mété lapat anlè yo, pa plis !
WOULO-BRAVO ba pep Benézwel la ki pa paré kayé an pies kalté manniè douvan sé enpérialis-la !...