Accueil
Aimé CESAIRE
Frantz FANON
Paulette NARDAL
René MENIL
Edouard GLISSANT
Suzanne CESAIRE
Jean BERNABE
Guy CABORT MASSON
Vincent PLACOLY
Derek WALCOTT
Price MARS
Jacques ROUMAIN
Guy TIROLIEN
Jacques-Stephen ALEXIS
Sonny RUPAIRE
Georges GRATIANT
Marie VIEUX-CHAUVET
Léon-Gontran DAMAS
Firmin ANTENOR
Edouard Jacques MAUNICK
Saint-John PERSE
Maximilien LAROCHE
Aude-Emmanuelle HOAREAU
Georges MAUVOIS
Marcel MANVILLE
Daniel HONORE
Alain ANSELIN
Jacques COURSIL

CHABEN : "Man ké kandida an 2020 adan éleksion la-CTM la !"

CHABEN : "Man ké kandida an 2020 adan éleksion la-CTM la !"

   Zorey yonn-dé moun dwet siflé adan dènié réinion lè-MIM la ki fini fet la davwè Alfred MARIE-JEANNE, "CHABEN" pou sa ki enmen'y, fè an plodari pou di kon sa 2 bagay ki pòtalan : dabò-pou-yonn, i ké pwopté parti-a, lè-MIM, kivédi i ké pwan séraj yonn-dé dirigonflis ki konpwann épi zafè G 20 yo a yo té ké pé shouté'y akwèdi an boul foutbol ; déziem bagay, i déklaré konmkwa i ké prézanté kò'y adan éleksion la-CTM ki pou fet an lanné 2020. Pou primié pwen an, tout moun sav sa CHABEN lé di. Sa anlè tout jounal. Sa anlè tout nich-twel. Sa anlè Fesbouk. Pa lapenn nonmen pèsonn ! Sé sé élektè-a, adan sé éleksion-an ki ka vini a, ki pou pwan reskonsabilité-yo ek fouté lé initil an razié. Es yo ké fè'y ? Es sé initil-tala ké érisi pwan lespri yo, kouyonnen yo an fwa ankò ? Sé sa nou ké wè adan yonn-dé mwa.

   Pou déziem pwen-an, asiré-pa-pétet, sé dékatiyè politik nou an ké mété CHABEN alafet. Yo ké di i ké two vié adan twa lanné pou i pé espéré viré prézanté kò'y kon met-a-manyok la-CTM. Yo ka bliyé ki Casimir BRANGLIDOR, Georges GRATIANT ek Aimé CESAIRE ladjé lapolitik lè yo té ni apochan 90 lanné anlè tet-yo. Sa lé di ki CHABEN, si zot wè santé'y tjenbé larel, ni 10 lanné politik douvan'y ankò. Nou pa janmen sav ki manniè lavi-a ka woulé, ki mové sirpriz i kapab rézèvé nou, men silon manniè nou ka wè konpowtasion CHABEN, nou ka di i toutafetman pé rilévé dézafi-tala. Sel bagay, fok i koumansé pozé titak davwè, abo i ni an gwo santé, i ka fè twop bagay, i adan twop manifestasion, twop réinion. I ka vréyajé twop. Tansion i pa anni izé kò'y avan 2020 !

   Sé moun ki alantou'y ki pou pòté mannev pou rézonnen'y a nivo-tala pis nou sav i ni tet red. Sé an bon bagay ki i kontwolé o pli pré tou sa ka woulé andidan la-CTM pou pies kalté vakabonnajri pa fet, menm fok i koumansé délégé tou ba yonn-dé éli éti i ni konfians adan yo. Davwè toulitan pwoptaj-la i anonsé i ké fè a poko fet, fok i ké rété véyatif pou sé dirigonflis-la pa fouté'y pies koch-pat...

 

Bwet-a-mo

 

Abo : bien que.

Akwèdi : comme qui dirait.

Apochan : à peu près.

Dabò-pou-yonn : tout d'abord.

Dékatiyè : analyste.

Dézafi : défi.

Dirigonflis : opportuniste.

Erisi : réussir.

Koch-pat : croque-en-jambe.

Konpowtasion : comportement.

Met-a-manyok : président.

Nich-twel : site-web.

Plodari : discours.

Tou : aussi.

Véyatif : vigilant.

Connexion utilisateur

CAPTCHA
Cette question sert à vérifier si vous êtes un visiteur humain afin d'éviter les soumissions automatisées spam.

Pages