Accueil
Aimé CESAIRE
Frantz FANON
Paulette NARDAL
René MENIL
Edouard GLISSANT
Suzanne CESAIRE
Jean BERNABE
Guy CABORT MASSON
Vincent PLACOLY
Derek WALCOTT
Price MARS
Jacques ROUMAIN
Guy TIROLIEN
Jacques-Stephen ALEXIS
Sonny RUPAIRE
Georges GRATIANT
Marie VIEUX-CHAUVET
Léon-Gontran DAMAS
Firmin ANTENOR
Edouard Jacques MAUNICK
Saint-John PERSE
Maximilien LAROCHE
Aude-Emmanuelle HOAREAU
Georges MAUVOIS
Marcel MANVILLE
Daniel HONORE
Alain ANSELIN
Jacques COURSIL

Ayen pé ké sa koré pep-tala ankò !

Ayen pé ké sa koré pep-tala ankò !

   Gawoulé-a ki ka soukwé l'Aljéri a pasé dé simenn fè tout moun rété estébékwé. Poutji ? Sé davwè, tout observatè té konpwann pep aljérien an té trapé an kalté langoudi, an kalté landòmi anba réjim diktatè-a yo ka kriyé Abdelaziz BOUTEFLIKA a. Davwè sé kon sa pou kriyé viékò-tala, "diktatè", ek sé moun-lan ki alantou'y la tou !

    Men, adan an sel bat-zié, san fè pies tanbi, pies voumlélé, moun anni désann nan lari adan laplipa sé gran vil péyi-a ek yo koumansé ka manifesté pou mandé BOUTEFLIKA sispann vakabonnajri 5è manda-a. Misié za fè kò'y éli 4 fwa, san ki reg ladémokrasi té vréman respekté, ek abo i trapé an bidim konjésion an 2013 ki ka opozé'y palé ek maché, i lé viré prézanté kò'y pou an 5è fwa pou i  sa vini prézidan.
     Lè zot bien gadé, sé pa li ki lé, sé sé isalop-la, sé pwofitè-a, sé aféris-la, ki alantou'y la kivédi an ti krey moun ki ka volè ek makayé lajan pétwol la ek gaz natirel la. BOUTEFLIKA sé an bwabwa adan an kannaval élektoral ek tout sé moun-tala ka séré dèyè'y pou palé ek aji an laplas-li. Enben, sé sa pep aljérien an désidé rifizé ! I pa lé BOUTEFLIKA viré-prézanté kò'y, men i ka, adan menm balan-an, goumen pou sistenm politik la pé mofwazé, pou i vini vréman démokratik.
    Sé milion Aljérien ki ka manifesté nan lari tou lé jou. San fè dézod. San krazé-brizé ayen. San voltijé woch oben koktel Molotov asou sé manblo-a. Dayè, mo arab-la, yo ka vréyé douvan plis la adan eslogan-yo, lè yo ka défilé, sé "Similiya !" kivédi "San fè ladjè !". Menn es larmé ki anba grenn réjim-la, es sé gran jénéral la ki ka pasé tan-yo ka plen poch-yo anlè do pep-la bonmaten-an-midi-oswè, es yo ké ni sifizanman lespri pou admet ki yo pé pa fouté fizi nan kò sé manifestan-an ? Es yo rété an ti zizing katjilasion nan kabech-yo pou sav ki si yo fè malè fè sa, sé tout l'Aljéri ki ké anni pri difé toubannman ?
    Antouléka, pep aljérien an, manniè i pati a, pé ké moli ba pèsonn !...
Image: 

Connexion utilisateur

CAPTCHA
Cette question sert à vérifier si vous êtes un visiteur humain afin d'éviter les soumissions automatisées spam.