Accueil
Aimé CESAIRE
Frantz FANON
Paulette NARDAL
René MENIL
Edouard GLISSANT
Suzanne CESAIRE
Jean BERNABE
Guy CABORT MASSON
Vincent PLACOLY
Derek WALCOTT
Price MARS
Jacques ROUMAIN
Guy TIROLIEN
Jacques-Stephen ALEXIS
Sonny RUPAIRE
Georges GRATIANT
Marie VIEUX-CHAUVET
Léon-Gontran DAMAS
Firmin ANTENOR
Edouard Jacques MAUNICK
Saint-John PERSE
Maximilien LAROCHE
Aude-Emmanuelle HOAREAU
Georges MAUVOIS
Marcel MANVILLE
Daniel HONORE
Alain ANSELIN
Jacques COURSIL

Arété kriyé tifi a zot "Prenses" !

Arété kriyé tifi a zot "Prenses" !

   E arété kriyé zot "Queen" osi !

   Pouki ? Sé davwa zò ka met adan kabech a sé tifi-la on paket lidé kouyon ki ka fè yo kwè kè yo tini valè san yo janmen fè hak adan jenn vi a yo. Olié zot apwann yo kè fo yo travay, fo ba fes a yo twa tap adan on vi ki red toubolman, zot ka pwofondé rev an lespri a yo, rev ki pé ké jen réyalizé dèmen. Zot pa ka apwann yo fè pon éfò non pli piskè tout moun pou sèvi on "Prenses", tout moun pou ajounou douvan on "Prenses" é ekzékité onfwamenm tout lod i ka ba.

   Kidonk tifi-la ka grandi èvè sé lidé-lasa é lè i rivé a laj i ké jwenn èvè jenn gason, i ké étoné vwè kè sé ti boug-la, okontrè dè ajounou an pié a yo, ké foutépanmal dè tet a yo. Pou sé ti boug-lasa, ki ka pasé tout tan a yo ka gadé klip janmayiken, on fanm sé on bonda ka brenné é on koukoun pou fouré on kok adan'y, sé tout ! Sa maléré, mé sé kon sa biten-la yé jod-la.

   Tifi a zot pa pi "Prenses" ki dot tifi ! Tout tifi asi latè ni menm valè, ki yo nwè ki yo chabin, ki yo zendien, ki yo blan. Ki yo ni chivé plat oben chivé grenné. Ki yo bel oben yo pa bel. Fo zot apwann tifi a zot kè valè a on moun sé sa i ka fè, sé sa i ka akonpli adan vi a'y, sé pa sa i rèsèvwa lè i né. Soutou kè lè tifi a zot né, pi souvan kè rarman, papa-la pa té menm la oben i foukan apré twa-kat lanné èvè on dot fanm. Arété enfantilizé tifi a zot !  Arété fè yo kwè kè "La Belle au bois dormant", "Le Prince charmant", tout sé biten-lasa ka ekzisté vréman ! Sel rézilta zot ké trapé, sé kè i ké trapé on kout kok antravè é on jou, i ké rètouné akaz èvè on gwo vant ba zot.

   Epi zot menm, zot "Queen" dè ki biten ?...

Connexion utilisateur

CAPTCHA
Cette question sert à vérifier si vous êtes un visiteur humain afin d'éviter les soumissions automatisées spam.

Pages