Anlo moun di kon sa : "Bon débarras !". Nou tout la ka chonjé ki, an tan VALLS té mè lavil Evry, yo té anrijistré'y ka vizité an marché piblik épi adjwen'y ek ka di yo kon sa : "Il faut plus de Blancos, de Whites". Poutji sa ? Sé davwè, asou marché-tala té ni yonndé komèsan neg épi arab. Tjek tan apré sa, sé li ki vini pli gran konbatan kont islam raché-koupé a, pres otan ki Marine LE PEN, aloski VALLS té an boug Parti Sosialis fwansé. Men éleksion rivé ek parti-tala kalpaté toubannman. VALLS té blijé kouri la éti lonbrik-li téré kivédi koté-a i né a : nan lavil Barsèlòn. Fok sav ki misié trapé nasionalité fwansé selman a 18 an mé i ni toupé voyé vokal kont dé sèten Neg ek Arab ki fwansé dépi nanni-nannan.
Rivé i rivé anba-a, kivédi nan péyi l'Espay, i désidé prézanté kò'y adan éleksion minisipal Barsèlòn. Fok présizé ki VALLS kou-koupé kont sé endépandantis katalan an ki té ka ek ki ka mennen jik jòdi gouvelman otonom la-Kataloy é ti non'y sé Generalitat. Men, érez-di-bonnè, sé élektè-a fouté'y an model dal an tjou'y : i pa dépasé 15% votman. Kifè, latjé'y an dé janm-li, konpè VALLS désidé déviré an Fwans. Okoumansman, i pa djè fè anlo tanbi, mé, anmizi-anmizi, i koumansé mété bout nen'y déwò, i koumansé pwa lapawol ek ba lidé'y asou sa ka fet nan péyi-a. Jik lè VALLS viré-paret adan larel médiatik fwansé a !
Jòdi-jou, mi i ka pibliyé an liv, Pas une goutte de sang français, pou espitjé ki manniè, abo i fet an Kataloy, i ka santi kò'y fwansé kité fwansé ka alé. Men, i pa ka kouyonnen pèsonn : lidé-a i dwet ni dèyè tet-li a, sé prézanté kò'y lanné pwochenn adan éleksion prézidansiel fwansé a. Anmwééé ! Soukou !